ရဟန်းသည် ကိုယ်တိုင်ပင် မိမိကိုယ်ကို ဤသို့ နှိုင်းယှဉ်ရမည်...

အနုမာနသုတ်

ရဟန်းသည် ကိုယ်တိုင်ပင် မိမိကိုယ်ကို ဤသို့ နှိုင်းယှဉ်ရမည်...

''အလိုဆိုး ရှိသော အလိုဆိုးတို့၏ အလိုသို့ လိုက်သော ပုဂ္ဂိုလ်ကို ငါ မချစ် မနှစ်သက်၊ ငါလည်း အလိုဆိုး ရှိငြားအံ့၊ အလိုဆိုးတို့၏ အလိုသို့ လိုက်ငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ် ရမည်။ ငါ့သျှင်တို့ ဤသို့ သိသော ရဟန်းသည် ''ငါသည် အလိုဆိုး ရှိသူ မဖြစ်အံ့၊ အလိုဆိုးတို့၏ အလိုသို့ လိုက်သူ မဖြစ်အံ့'' ဟု စိတ်ကို ဖြစ်စေရမည်။

''မိမိကိုယ်ကို မြှင့်တင် တတ်သော သူတစ်ပါးကို ရှုတ်ချ တတ်သော ပုဂ္ဂိုလ်ကို ငါ မချစ် မနှစ်သက်၊ ငါလည်း မိမိကိုယ်ကို မြှင့်တင်ငြားအံ့၊ သူတစ်ပါးကို ရှုတ်ချ ငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ် ရမည်။ ငါ့သျှင်တို့ ဤသို့ သိသော ရဟန်းသည် ''ငါသည် မိမိကိုယ်ကို မြှင့်တင် တတ်သူ မဖြစ်အံ့၊ သူတစ်ပါးကို ရှုတ်ချ တတ်သူ မဖြစ်အံ့'' ဟု စိတ်ကို ဖြစ်စေရမည်။

''အမျက် ထွက်တတ်သော အမျက် အလွှမ်းမိုးခံရသော ပုဂ္ဂိုလ်ကို ငါ မချစ် မနှစ်သက်၊ ငါလည်း အမျက်ထွက် ငြားအံ့၊ အမျက် အလွှမ်းမိုး ခံရငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ် ရမည်။ ငါ့သျှင်တို့ ဤသို့ သိသော ရဟန်းသည် ''ငါသည် အမျက်ထွက်သူ မဖြစ်အံ့၊ အမျက် အလွှမ်းမိုး ခံရသူ မဖြစ်အံ့'' ဟု စိတ်ကို ဖြစ်စေရမည်။

''အမျက် ထွက်တတ်သော အမျက် ထွက်ခြင်း အကြောင်းကြောင့် ရန်ငြိုး ဖွဲ့တတ်သော ပုဂ္ဂိုလ်ကို ငါမချစ် မနှစ်သက်၊ ငါလည်း အမျက်ထွက် ငြားအံ့၊ အမျက်ထွက်ခြင်း အကြောင်းကြောင့် ရန်ငြိုး ဖွဲ့ငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ် ရမည်။ ငါ့သျှင်တို့ ဤသို့သိသော ရဟန်းသည် ''ငါသည် အမျက် ထွက်သူ မဖြစ်အံ့၊ အမျက် ထွက်ခြင်း အကြောင်းကြောင့် ရန်ငြိုးဖွဲသူ မဖြစ်အံ့'' ဟု စိတ်ကို ဖြစ်စေရမည်။

''အမျက် ထွက်တတ်သော အမျက် ထွက်ခြင်း အကြောင်းကြောင့် အစွဲကြီးသော ပုဂ္ဂိုလ်ကို ငါမချစ် မနှစ်သက်၊ ငါလည်း အမျက်ထွက် ငြားအံ့၊ အမျက်ထွက်ခြင်း အကြောင်းကြောင့် အစွဲကြီး ငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ် ရမည်။ ငါ့သျှင်တို့ ဤသို့ သိသောရဟန်းသည် ''ငါသည် အမျက်ထွက်သူ မဖြစ်အံ့၊ အမျက်ထွက်ခြင်း အကြောင်းကြောင့် အစွဲကြီးသူ မဖြစ်အံ့'' ဟု ဤသို့ စိတ်ကို ဖြစ်စေရမည်။

''အမျက် ထွက်တတ်သော အမျက်နှင့် နီးစပ်သော စကားကို မြွက်ဆိုတတ်သော ပုဂ္ဂိုလ်ကို ငါမချစ် မနှစ်သက်၊ ငါလည်း အမျက်ထွက် ငြားအံ့၊ အမျက်နှင့် နီးစပ်သော စကားကို မြွက်ဆိုငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ် ရမည်။ ငါ့သျှင်တို့ ဤသို့ သိသော ရဟန်းသည် ''ငါသည် အမျက် ထွက်သူ မဖြစ်အံ့၊ အမျက်နှင့် နီးစပ်သော စကားကို မမြွက်ဆိုအံ့'' ဟု ဤသို့ စိတ်ကို ဖြစ်စေရမည်။

''စောဒကက စောဒနာသော် စောဒကကို ဆန့်ကျင်ဘက် ပြုသော ပုဂ္ဂိုလ်ကို ငါမချစ် မနှစ်သက်၊ ငါလည်း စောဒကက စောဒနာသော် စောဒကကို ဆန့်ကျင်ဘက် ပြုငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ် ရမည်။ ငါ့သျှင်တို့ ဤသို့ သိသော ရဟန်းသည် ''ငါသည် စောဒကက စောဒနာသော် စောဒကကို ဆန့်ကျင်ဘက် မပြုအံ့'' ဟု စိတ်ကို ဖြစ်စေရမည်။

''စောဒကက စောဒနာသော် စောဒကကို ကြိမ်းမောင်းသော ပုဂ္ဂိုလ်ကို ငါမချစ် မနှစ်သက်၊ ငါလည်း စောဒကက စောဒနာသော် စောဒကကို ကြိမ်းမောင်းအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ် ရမည်။ ငါ့သျှင်တို့ ဤသို့ သိသော ရဟန်းသည် ''ငါသည် စောဒကက စောဒနာသော် စောဒကကို မကြိမ်းမောင်းအံ့'' ဟု ဤသို့ စိတ်ကို ဖြစ်စေရမည်။

''စောဒကက စောဒနာသော် စောဒကကို အပြစ် ပြန်တင်သော ပုဂ္ဂိုလ်ကို ငါ မချစ် မနှစ်သက်၊ ငါလည်း စောဒကက စောဒနာသော် စောဒကကို အပြစ် ပြန်တင်ငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ် ရမည်။ ငါ့သျှင်တို့ ဤသို့ သိသော ရဟန်းသည် ''ငါသည် စောဒကက စောဒနာသော် စောဒကကို အပြစ် ပြန်မတင်အံ့'' ဟု စိတ်ကို ဖြစ်စေရမည်။

''စောဒကက စောဒနာသော် စကား တစ်မျိုးဖြင့် စကား တစ်မျိုးကို ဖုံးလွှမ်းတတ်သော၊ စကားကို အပသို့ လွှဲဖယ်သော၊ အမျက် ထွက်ခြင်း ပြစ်မှားခြင်း စိတ်ဆိုးခြင်းကို ထင်ရှား ပြုတတ်သော ဤပုဂ္ဂိုလ်ကို ငါမချစ် မနှစ်သက်၊ ငါလည်း စောဒကက စောဒနာသော် စကား တစ်မျိုးဖြင့် စကားတစ်မျိုးကို ဖုံးလွှမ်း ငြားအံ့၊ စကားကို အပသို့ လွှဲဖယ် ငြားအံ့၊ အမျက် ထွက်ခြင်း ပြစ်မှားခြင်း စိတ်ဆိုးခြင်းကို ထင်ရှား ပြုငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ် ရမည်။

ငါ့သျှင်တို့ ဤသို့ သိသော ရဟန်းသည် ''ငါသည် စောဒကက စောဒနာသော် စကား တစ်မျိုးဖြင့် စကားတစ်မျိုးကို မဖုံးလွှမ်းအံ့၊ စကားကို အပသို့ မလွှဲဖယ်အံ့၊ အမျက် ထွက်ခြင်း ပြစ်မှားခြင်း စိတ်ဆိုးခြင်းကို ထင်ရှား မပြုအံ့'' ဟု စိတ်ကို ဖြစ်စေရမည်။

''စောဒကက စောဒနာသော် မိမိ၏ ဖြစ်စဉ် အတ္ထုပ္ပတ္တိကို ပြေလည်အောင် မဖြေဆိုနိုင်သော ပုဂ္ဂိုလ်ကို ငါမချစ် မနှစ်သက်၊ ငါလည်း စောဒကက စောဒနာသော် မိမိ၏ ဖြစ်စဉ် အတ္ထုပ္ပတ္တိတို့ကို ပြေလည်အောင် မဖြေဆို နိုင်ငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ်ရမည်။ ငါ့သျှင်တို့ ဤသို့ သိသော ရဟန်းသည် ''ငါသည် စောဒကက စောဒနာသော် မိမိ၏ ဖြစ်စဉ် အတ္ထုပ္ပတ္တိကို ပြေလည်အောင် ဖြေဆိုအံ့'' ဟု စိတ်ကို ဖြစ်စေရမည်။

''ဂုဏ်ကျေးဇူးကို ချေဖျက် တတ်သော ဂုဏ်ပြိုင် တတ်သော ပုဂ္ဂိုလ်ကို ငါ မချစ် မနှစ်သက်၊ ငါလည်း ဂုဏ်ကျေးဇူးကို ချေဖျက် ငြားအံ့၊ ဂုဏ်ပြိုင် ငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ် ရမည်။ ငါ့သျှင်တို့ ဤသို့ သိသော ရဟန်းသည် ''ငါသည် ဂုဏ်ကျေးဇူးကို ချေဖျက်သူ မဖြစ်အံ့၊ ဂုဏ်ပြိုင်သူ မဖြစ်အံ့'' ဟု စိတ်ကို ဖြစ်စေရမည်။

''မနာလို တတ်သော ဝန်တို တတ်သော ပုဂ္ဂိုလ်ကို ငါ မချစ် မနှစ်သက်၊ ငါလည်း မနာလို ငြားအံ့၊ ဝန်တို ငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ် ရမည်။ ငါ့သျှင်တို့ ဤသို့ သိသော ရဟန်းသည် ''ငါသည် နာလိုသူ ဖြစ်အံ့၊ ဝန်မတိုသူ ဖြစ်အံ့'' ဟု စိတ်ကို ဖြစ်စေရမည်။

''စဉ်းလဲ တတ်သော လှည့်ပတ် တတ်သော ပုဂ္ဂိုလ်ကို ငါမချစ် မနှစ်သက်၊ ငါလည်း စဉ်းလဲငြားအံ့၊ လှည့်ပတ် ငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ် ရမည်။ ငါ့သျှင်တို့ ဤသို့ သိသော ရဟန်းသည် ''ငါသည် မစဉ်းလဲသူ ဖြစ်အံ့၊ မလှည့်ပတ်သူ ဖြစ်အံ့'' ဟု စိတ်ကို ဖြစ်စေရမည်။

''ခက်ထန်သော အလွန် မောက်မာသော ပုဂ္ဂိုလ်ကို ငါ မချစ် မနှစ်သက်၊ ငါလည်း ခက်ထန်ငြားအံ့၊ အလွန် မောက်မာ ငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ်ရမည်။ ငါ့သျှင်တို့ ဤသို့ သိသော ရဟန်းသည် ''ငါသည် မခက်ထန်သူ ဖြစ်အံ့၊ အလွန် မမောက်မာသူ ဖြစ်အံ့'' ဟု စိတ်ကို ဖြစ်စေရမည်။

''မိမိအယူကို စွဲလမ်းတတ်သော မြဲမြံစွာ ယူတတ်သော မစွန့်လွှတ် နိုင်သော ပုဂ္ဂိုလ်ကို ငါ မချစ် မနှစ်သက်၊ ငါလည်း မိမိအယူကို စွဲလမ်း ငြားအံ့၊ မြဲမြံစွာ ယူငြားအံ့၊ မစွန့်လွှတ် နိုင်ငြားအံ့၊ ငါ့ကိုလည်း သူတစ်ပါးတို့ ချစ်နှစ်သက်မည် မဟုတ်'' ဟု နှိုင်းယှဉ် ရမည်။ ငါ့သျှင်တို့ ဤသို့ သိသော ရဟန်းသည် ''ငါသည် မိမိအယူကို မစွဲလမ်းသူ မြဲမြံစွာ မယူသူ စွန့်လွှတ်နိုင်သူ ဖြစ်အံ့'' ဟု စိတ်ကို ဖြစ်စေရမည်။ 183


၅ - အနုမာနသုတ် - မှ၊ သီဟနာဒ၀ဂ်၊ မူလပဏ္ဏာသပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

ဖြတ်ထားပြီးသော စိတ်၏ အနှောင်အဖွဲ့ ငါးမျိုး...

စေတောခိလသုတ်- (စိတ်ခိုင်မာခြင်း)

ရဟန်းတို့ စိတ်၏ ဆူးငြောင့် ခလုတ် ငါးမျိုးတို့ကို ပယ်ထားပြီးသော, စိတ်၏ အနှောင်အဖွဲ့ငါးမျိုးတို့ကို ဖြတ်ထားပြီးသော မည်သည့် ရဟန်းမဆို ဤသာသနာတော်၌ ကြီးပွါး စည်ပင် ပြန့်ပြောခြင်းသို့ ရောက်နိုင်ရာသော အကြောင်းသည် ရှိ၏။ ထိုရဟန်း ပယ်ထားပြီးသော စိတ်၏ ဆူးငြောင့်ခလုတ် ငါးမျိုးတို့ ဟူသည် အဘယ်နည်း။

၁...
ရဟန်းတို့ ဤသာသနာတော်၌ ရဟန်းသည် မြတ်စွာဘုရား၌ မယုံမှား၊ မတွေးတော၊ ဆုံးဖြတ်နိုင်၏၊ စိတ်ရှင်းလင်း၏။ ရဟန်းတို့ မြတ်စွာဘုရား၌ မယုံမှားသော မတွေးတောသော ဆုံးဖြတ်နိုင်သော ရှင်းလင်းသော ရဟန်း၏ စိတ်သည် စ၍ အားထုတ်ခြင်း အကြိမ်ကြိမ် အားထုတ်ခြင်း မပြတ် အားထုတ်ခြင်း လွန်စွာ အားထုတ်ခြင်းငှါ ညွတ်၏။ ဤသို့ ဖြစ်ခြင်းသည် ထိုရဟန်း ပယ်ထားပြီးသော ရှေးဦးစွာသော စိတ်၏ ဆူးငြောင့် ခလုတ် ဖြစ်၏။

၂...
ရဟန်းတို့ တစ်ဖန် ထို့ပြင်လည်း ရဟန်းသည် တရား၌ မယုံမှား၊ မတွေးတော၊ ဆုံးဖြတ်နိုင်၏၊ စိတ်ရှင်းလင်း၏။ပ။ ဤသို့ ဖြစ်ခြင်းသည် ထိုရဟန်း ပယ်ထားပြီးသော နှစ်ခုမြောက် ဖြစ်သော စိတ်၏ဆူးငြောင့် ခလုတ် ဖြစ်၏။

၃...
ရဟန်းတို့ တစ်ဖန် ထို့ပြင်လည်း ရဟန်းသည် သံဃာ၌ မယုံမှား၊ မတွေးတော၊ ဆုံးဖြတ်နိုင်၏၊ စိတ်ရှင်းလင်း၏။ပ။ ဤသို့ ဖြစ်ခြင်းသည် ထိုရဟန်း ပယ်ထားပြီးသော သုံးခုမြောက် ဖြစ်သော စိတ်၏ ဆူးငြောင့် ခလုတ် ဖြစ်၏။

၎...
ရဟန်းတို့ တစ်ဖန် ထို့ပြင်လည်း ရဟန်းသည် အကျင့် သိက္ခာ၌ မယုံမှား၊ မတွေးတော၊ ဆုံးဖြတ်နိုင်၏၊ စိတ်ရှင်းလင်း၏။ပ။ ဤသို့ ဖြစ်ခြင်းသည် ထိုရဟန်း ပယ်ထားပြီးသော လေးခုမြောက် ဖြစ်သောစိတ်၏ ဆူးငြောင့်ခလုတ် ဖြစ်၏။

၅...
ရဟန်းတို့ ထိုမှတစ်ပါးလည်း ရဟန်းသည် သီတင်း သုံးဖော်တို့၌ အမျက်မထွက်၊ နှစ်သက်၏၊ စိတ်မနာတတ်၊ ဆူးငြောင့် ခလုတ်သဖွယ် မဖြစ်။ ရဟန်းတို့ သီတင်း သုံးဖော်တို့၌ အမျက် မထွက်သော နှစ်သက်သော စိတ် မနာတတ်သော ဆူးငြောင့် ခလုတ်သဖွယ် မဖြစ်သော ရဟန်း၏ စိတ်သည် စ၍ အားထုတ်ခြင်း အကြိမ်ကြိမ် အားထုတ်ခြင်း မပြတ် အားထုတ်ခြင်း လွန်စွာ အားထုတ်ခြင်းငှါ ညွတ်၏။

ဤသို့ ဖြစ်ခြင်းသည် ထိုရဟန်း ပယ်ထားပြီးသော ငါးခုမြောက် ဖြစ်သော စိတ်၏ ဆူးငြောင့် ခလုတ်ဖြစ်၏။ ဤသည်တို့ကား ထိုရဟန်း ပယ်ထားပြီးသော စိတ်၏ ဆူးငြောင့်ခလုတ် ငါးမျိုးတို့ပေတည်း။ 187


ထိုရဟန်း ဖြတ်ထားပြီးသော စိတ်၏ အနှောင်အဖွဲ့ ငါးမျိုးတို့ ဟူသည် အဘယ်နည်း။

ရဟန်းတို့ ဤသာသနာတော်၌ ရဟန်းသည် ကာမ၌ တပ်စွန်းခြင်း 'ရာဂ' ကင်း၏၊ အလိုဆန္ဒ ကင်း၏၊ ချစ်ခြင်း ကင်း၏၊ မွတ်သိပ်ခြင်း ကင်း၏၊ ပူလောင်ခြင်း ကင်း၏၊ တပ်မက်ခြင်း 'တဏှာ' ကင်း၏၊ ရဟန်းတို့ ကာမ၌ တပ်စွန်းခြင်း 'ရာဂ' ကင်းသော အလိုဆန္ဒ ကင်းသော ချစ်ခြင်း ကင်းသော မွတ်သိပ်ခြင်း ကင်းသော ပူလောင်ခြင်း ကင်းသော တပ်မက်ခြင်း 'တဏှာ' ကင်းသော ရဟန်း၏ စိတ်သည် စ၍ အားထုတ်ခြင်း အကြိမ်ကြိမ် အားထုတ်ခြင်း မပြတ် အားထုတ်ခြင်း လွန်စွာ အားထုတ်ခြင်းငှါ ညွတ်၏။ ဤသို့ ဖြစ်ခြင်းသည် ထိုရဟန်း ဖြတ်ထားပြီးသော ရှေးဦးစွာသော စိတ်၏ အနှောင်အဖွဲ့
ဖြစ်၏။

ရဟန်းတို့ တစ်ဖန် ထို့ပြင်လည်း ရဟန်းသည် (မိမိ) ကိုယ်၌ တပ်စွန်းခြင်း 'ရာဂ' ကင်း၏။ပ။ရုပ်၌ တပ်စွန်းခြင်း 'ရာဂ' ကင်း၏။ပ။ အလိုရှိတိုင်း ဝမ်းပြည့်အောင် စား၍ အလျောင်း ချမ်းသာ အစောင်း ချမ်းသာ အအိပ် ချမ်းသာကို အားထုတ်လျက် မနေ။ ရဟန်းတို့ အလိုရှိတိုင်း ဝမ်းပြည့်အောင် စား၍ အလျောင်း ချမ်းသာ, အစောင်း ချမ်းသာ, အအိပ် ချမ်းသာကို အားထုတ်လျက် မနေသော ရဟန်း၏ စိတ်သည် စ၍ အားထုတ်ခြင်း အကြိမ်ကြိမ် အားထုတ်ခြင်း မပြတ် အားထုတ်ခြင်း လွန်စွာ အားထုတ်ခြင်းငှါ ညွတ်၏။ ဤသို့ ဖြစ်ခြင်းသည် ထိုရဟန်း ဖြတ်ထားပြီးသော လေးခုမြောက် ဖြစ်သော စိတ်၏ အနှောင်အဖွဲ့ ဖြစ်၏။

ရဟန်းတို့ တစ်ဖန် ထို့ပြင်လည်း ရဟန်းသည် ''ဤအကျင့် သီလဖြင့် သော် လည်းကောင်း၊ ဤကျင့်ဝတ်ဖြင့်သော် လည်းကောင်း၊ ဤအားထုတ်မှုဖြင့်သော် လည်းကောင်း၊ ဤမေထုန်မှ ရှောင်ကြဉ်ခြင်းဖြင့်သော် လည်းကောင်း ငါသည် နတ် သော်လည်း ဖြစ်ရအံ့၊ နတ်မျိုးတွင် အပါအဝင် သော်လည်းဖြစ်ရအံ့'' ဟု နတ် အမျိုးအစား တစ်ပါးပါးကို တောင့်တ၍ မြတ်သော အကျင့်ကို မကျင့်။ ရဟန်းတို့ ''ဤအကျင့် သီလဖြင့် သော်လည်းကောင်း၊ ဤကျင့်ဝတ်ဖြင့် သော်လည်းကောင်း၊ ဤအားထုတ်မှုဖြင့်သော် လည်းကောင်း၊ ဤမေထုန်မှ ရှောင်ကြဉ်ခြင်းဖြင့် သော်လည်းကောင်း ငါသည် နတ် သော်လည်း ဖြစ်ရအံ့၊ နတ်မျိုးတွင် အပါအဝင် သော်လည်း ဖြစ်ရအံ့'' ဟု နတ် အမျိုးအစား တစ်ပါးပါးကို တောင့်တ၍ မြတ်သော အကျင့်ကို မကျင့်သော ရဟန်း၏ စိတ်သည် စ၍ အားထုတ်ခြင်း အကြိမ်ကြိမ် အားထုတ်ခြင်း မပြတ် အားထုတ်ခြင်း လွန်စွာ အားထုတ်ခြင်းငှါ ညွတ်၏။ ဤသို့ ဖြစ်ခြင်းသည် ထိုရဟန်း ဖြတ်ထားပြီးသော ငါးခုမြောက် ဖြစ်သော စိတ်၏ အနှောင်အဖွဲ့ ဖြစ်၏။

ဤသည်တို့ကား ထိုရဟန်း ဖြတ်ထားပြီးသော စိတ်၏ အနှောင်အဖွဲ့ ငါးမျိုးတို့ပေတည်း။
ရဟန်းတို့ ဤစိတ်၏ ဆူးငြောင့်ခလုတ် ငါးမျိုးတို့ကို ပယ်ထားပြီးသော ဤစိတ်၏ အနှောင်အဖွဲ့ ငါးမျိုးတို့ကို ဖြတ်ထားပြီးသော ရဟန်းသည် ဤသာသနာတော်၌ ကြီးပွား စည်ပင် ပြန့်ပြောခြင်းသို့ ရောက်နိုင်ရာသော အကြောင်းသည် ရှိ၏။ 188

၆ - စေတောခိလသုတ်၊ မှ၊ သီဟနာဒ၀ဂ်၊ မူလပဏ္ဏာသပါဠိတော်။


ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

အခွံကို အနှစ်ထင်၍ ယူသွားသူ...

စူဠသာရောပမသုတ်

ပုဏ္ဏား ဤသာသနာတော်၌ အချို့သော ပုဂ္ဂိုလ်သည် ''ပဋိသန္ဓေတည်နေ ဖြစ်ပွားခြင်း အိုခြင်း သေခြင်း ပူဆွေးခြင်း ငိုကြွေးခြင်း ကိုယ်ဆင်းရဲခြင်း စိတ်ဆင်းရဲခြင်း ပြင်းစွာ ပင်ပန်းခြင်းတို့က လွှမ်းမိုး ဖိစီး ထားသောကြောင့် ဆင်းရဲ ဒုက္ခတွင်းသို့ သက်ဝင် လျှောကျလျက် ဆင်းရဲ အနှိပ်စက် ခံနေရ၏။ ချမ်းသာ မဖက်သော ဤဆင်းရဲ အစုကို ကုန်ဆုံးအောင် ပြုလုပ်ဖို့ရန် ထင်ရှား ဖြစ်ကောင်း တန်ရာ၏'' ဟု ယုံကြည်ခြင်း 'သဒ္ဓါ' ဖြင့် လူ့ဘောင်မှ ထွက်ခွာ၍ ရဟန်းဘောင်၌ ရဟန်း ပြု၏။ ထိုသူသည် ဤကဲ့သို့ ရဟန်း ပြုပြီးနောက် လာဘ်သပ်ပကာ အကျော်အစောကို ဖြစ်စေ ပြန်၏။

ထိုရဟန်းသည် ထိုလာဘ်သပ်ပကာ အကျော်အစောဖြင့် စိတ်တိုင်း မကျသဖြင့် အကြံအစည် မပြည့်စုံသူ ဖြစ်ခဲ့၏။ ထိုရဟန်းသည် ထိုလာဘ်သပ်ပကာ အကျော်အစောဖြင့် မိမိကိုယ်ကို မမြှင့်တင် မူ၍ သူတစ်ပါးကို မနှိမ့်ချပေ။ လာဘ်သပ်ပကာ အကျော်အစော ထက်လည်း သာလွန် မွန်မြတ် ကုန်သော တစ်ပါးသော တရားတို့ကို မျက်မှောက် ပြုခြင်းငှါ အလိုဆန္ဒကို ဖြစ်စေ၏၊ အားလည်း ထုတ်၏၊ မတွန့်ဆုတ်သော အလို အဇ္ဈာသယ ရှိ၍ အဆုံး အမကိုလည်း လျော့ရဲစွာ ယူလေ့ မရှိပေ။ ထိုရဟန်းသည် အကျင့်သီလနှင့် ပြည့်စုံခြင်းကို ရ၏။ ထိုရဟန်းသည် ထိုအကျင့်သီလနှင့် ပြည့်စုံခြင်းဖြင့် စိတ်တိုင်းကျ ဖြစ်၍ အကြံအစည် ပြည့်စုံသူကား မဟုတ်ပေ။ ထိုရဟန်းသည် ထိုအကျင့်သီလနှင့် ပြည့်စုံခြင်းဖြင့် မိမိကိုယ်ကို မမြှင့်တင် မူ၍ သူတစ်ပါးကိုလည်း မနှိမ့်ချပေ။ အကျင့်သီလနှင့် ပြည့်စြုံခင်း ထက်လည်း သာလွန် မွန်မြတ်သော တစ်ပါးသော တရားတို့ကို မျက်မှောက် ပြုခြင်းငှါ အလို ဆန္ဒကို ဖြစ်စေ၏၊ အားလည်းထုတ်၏၊ မတွန့်ဆုတ်သော အလို အဇ္ဈာသယ ရှိ၍ အဆုံး အမကိုလည်း လျော့ရဲစွာ ယူလေ့ မရှိပေ။ ထိုရဟန်းသည် တည်ကြည်ခြင်း သမာဓိနှင့် ပြည့်စုံခြင်းကို ရ၏။ ထိုရဟန်းသည် ထိုတည်ကြည်ခြင်း သမာဓိနှင့် ပြည့်စုံခြင်းဖြင့် စိတ်တိုင်းကျ ဖြစ်၍ အကြံအစည် ပြည့်စုံသူ ဖြစ်ခဲ့၏။ ထိုရဟန်းသည် ထိုတည်ကြည်ခြင်း သမာဓိနှင့် ပြည့်စုံခြင်းဖြင့် ''ငါသည် တည်ကြည်ခြင်း သမာဓိ ရှိသူ ဖြစ်၏၊ အာရုံ တစ်ခုတည်း၌ တည်တံ့သော စိတ်ရှိသူ ဖြစ်၏၊ ငါမှ တစ်ပါးသော အခြား ရဟန်းတို့သည်ကား တည်ကြည်ခြင်း သမာဓိ မရှိသူ တုန်လှုပ် ပျံ့လွင့်သော စိတ်ရှိသူတို့ ဖြစ်ကုန်၏'' ဟု မိမိကိုယ်ကို မြှင့်တင်၍ သူတစ်ပါးကိုကား နှိမ့်ချ၏။ တည်ကြည်ခြင်း သမာဓိနှင့် ပြည့်စုံခြင်း ထက်လည်း သာလွန် မွန်မြတ်သော တစ်ပါးသော တရားတို့ကို မျက်မှောက် ပြုခြင်းငှါ အလိုဆန္ဒကို မဖြစ်စေ၊ အားထုတ်ခြင်း လည်းမရှိ၊ တွန့်ဆုတ်သော အလို အဇ္ဈာသယ ရှိ၍ အဆုံး အမကိုလည်း လျော့ရဲစွာ ယူလေ့ ရှိပေ၏။

ပုဏ္ဏား ဥပမာသော်ကား အနှစ်ကို အလိုရှိ၍ အနှစ်ကို ရှာမှီးသော ထိုယောက်ျားသည် အနှစ်ရှာ လှည့်လည်သော် အနှစ် ပြည့်၍ တည်သော သစ်ပင်ကြီး၏ အနှစ်ကို လွန်၍ သာလျှင်, အကာကို လွန်၍သာလျှင် အခွံကို ဖြတ်ယူ၍ အနှစ် ဟု ထင်မှတ်လျက် ဖဲခွါ သွား၏။ ထိုသူသည် အနှစ်ဖြင့် ပြုလုပ်ရမည့် အကျိုးကိုလည်း မခံစားရ လတ္တံ့။ ပုဏ္ဏား ငါသည် ဤပုဂ္ဂိုလ်ကို ထို့ပမာနှင့် အလားတူသူ ဟု ဟောကြား၏။

၁ဝ - စူဠသာရောပမသုတ်၊ မှ၊ သြပမ္မ၀ဂ်၊ မူလပဏ္ဏာသပါဠိတော်။

ဖြတ်ထားပြီးသော စိတ်၏ အနှောင်အဖွဲ့ ငါးမျိုး...


ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

အပွေးကို အနှစ်ထင်၍ ယူသွားသူ...

စူဠသာရောပမသုတ်

အပွေးကို အနှစ်ထင်၍ ယူသွားသူ...

ပုဏ္ဏား ဤသာသနာတော်၌ အချို့သော ပုဂ္ဂိုလ်သည် ''ပဋိသန္ဓေတည်နေ ဖြစ်ပွားခြင်း အိုခြင်း သေခြင်း ပူဆွေးခြင်း ငိုကြွေးခြင်း ကိုယ်ဆင်းရဲခြင်း စိတ်ဆင်းရဲခြင်း ပြင်းစွာ ပင်ပန်းခြင်းတို့က လွှမ်းမိုး ဖိစီး ထားသောကြောင့် ဆင်းရဲ ဒုက္ခတွင်းသို့ သက်ဝင် လျှောကျလျက် ဆင်းရဲ အနှိပ်စက် ခံနေရ၏။ ချမ်းသာ မဖက်သော ဤဆင်းရဲ အစုကို ကုန်ဆုံးအောင် ပြုလုပ်ဖို့ရန် ထင်ရှား ဖြစ်ကောင်း တန်ရာ၏'' ဟု ယုံကြည်ခြင်း 'သဒ္ဓါ' ဖြင့် လူ့ဘောင်မှ ထွက်ခွါ၍ ရဟန်းဘောင်၌ ရဟန်း ပြု၏။

ထိုသူသည် ဤကဲ့သို့ ရဟန်း ပြုပြီးနောက် လာဘ်သပ်ပကာ အကျော်အစောကို ဖြစ်စေ ပြန်၏။ ထိုရဟန်းသည် ထိုလာဘ်သပ်ပကာ အကျော်အစောဖြင့် စိတ်တိုင်း မကျသဖြင့် အကြံအစည် မပြည့်စုံသူ ဖြစ်ခဲ့၏။ ထိုရဟန်းသည် ထိုလာဘ်သပ်ပကာ အကျော်အစောဖြင့် မိမိကိုယ်ကို မမြှင့်တင် မူ၍ သူတစ်ပါးကို မနှိမ့်ချပေ။ လာဘ်သပ်ပကာ အကျော်အစောထက်လည်း သာလွန် မွန်မြတ်သော တစ်ပါးသော တရားတို့ကို မျက်မှောက် ပြုခြင်းငှါ အလိုဆန္ဒကို ဖြစ်စေ၏၊ အားလည်း ထုတ်၏၊ မတွန့်ဆုတ်သော အလို အဇ္ဈာသယ ရှိ၍ အဆုံး အမကိုလည်း လျော့ရဲစွာ ယူလေ့ မရှိပေ။ ထိုရဟန်းသည် အကျင့်သီလနှင့် ပြည့်စုံခြင်းကို ရ၏။ ထိုရဟန်းသည် ထိုအကျင့်သီလနှင့် ပြည့်စုံခြင်းဖြင့် စိတ်တိုင်းကျ ဖြစ်၍ အကြံအစည် ပြည့်စုံသူ ဖြစ်၏။ ထိုရဟန်းသည် ထိုအကျင့်သီလနှင့် ပြည့်စုံခြင်းဖြင့် ''ငါသည် အကျင့်သီလ ရှိသူ ဖြစ်၏၊ ကောင်းသော တရားရှိသူ ဖြစ်၏၊ ငါမှ တစ်ပါး ကုန်သော အခြား ရဟန်းတို့သည်ကား အကျင့်သီလ မရှိသူ ယုတ်ညံ့သော တရားရှိသူ ဖြစ်ကုန်၏'' ဟု မိမိကိုယ်ကို မြှင့်တင်၍ သူတစ်ပါး ကိုကား နှိမ့်ချ၏။ အကျင့်သီလနှင့် ပြည့်စုံခြင်းထက်လည်း သာလွန် မွန်မြတ် ကုန်သော တစ်ပါးသော တရားတို့ကို မျက်မှောက် ပြုခြင်းငှါ အလိုဆန္ဒကို မဖြစ်စေ၊ အားထုတ်ခြင်းလည်း မရှိ၊ တွန့်ဆုတ်သော အလို အဇ္ဈာသယသာ ရှိ၍ အဆုံး အမကိုလည်း လျော့ရဲစွာ ယူလေ့ ရှိပေ၏။

ပုဏ္ဏား ဥပမာသော်ကား အနှစ်ကို အလိုရှိ၍ အနှစ်ကို ရှာမှီးသော ထိုယောက်ျားသည် အနှစ်ရှာ လှည့်လည်သော် အနှစ် ပြည့်တည်သော သစ်ပင်ကြီး၏ အနှစ်ကို လွန်၍ သာလျှင်, အကာကို လွန်၍ သာလျှင်, အခွံကို လွန်၍ သာလျှင် အပွေးကို ဖြတ်ယူ၍ အနှစ် ဟု ထင်မှတ်လျက် ဖဲခွာသွား၏။ ထိုယောက်ျားသည် အနှစ်ဖြင့် ပြုလုပ်ရမည့် အကျိုးကိုလည်း မခံစားရ လတ္တံ့။ ပုဏ္ဏား ငါသည် ဤပုဂ္ဂိုလ်ကို ထို့ပမာနှင့် အလားတူသူ ဟု ဟောကြား၏။ 319

၁ဝ - စူဠသာရောပမသုတ်၊ မှ၊ သြပမ္မ၀ဂ်၊ မူလပဏ္ဏာသပါဠိတော်။

အခွံကို အနှစ်ထင်၍ ယူသွားသူ...


ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

အနှစ်ကို ရှာမှီးသော ယောက်ျားသည်...

စူဠသာရောပမသုတ်...

အကျွန်ုပ်သည် ဤသို့ ကြားနာခဲ့ရပါသည်အခါတစ်ပါး၌ မြတ်စွာဘုရားသည် သာဝတ္ထိပြည် အနာထပိဏ်သူဌေး၏ အရံဖြစ်သော ဇေတဝန်ကျောင်း၌ သီတင်းသုံး နေတော်မူ၏။ ထိုအခါ ပိင်္ဂလကောစ္ဆပုဏ္ဏားသည် မြတ်စွာဘုရားသို့ ချဉ်းကပ်၍ မြတ်စွာဘုရားနှင့်အတူ ဝမ်းမြောက် ဝမ်းသာ နှုတ်ဆက် စကား ပြောဆို၏၊ ဝမ်းမြောက်ဖွယ် အမှတ်ရဖွယ် စကားကို ပြောဆို ပြီးဆုံး စေ၍ တစ်ခုသော နေရာ၌ ထိုင်နေ၏၊ တစ်ခုသော နေရာ၌ ထိုင်နေသော ပိင်္ဂလကောစ္ဆ ပုဏ္ဏားသည် မြတ်စွာဘုရားအား ဤသို့ လျှောက်၏-

ပုဏ္ဏားက...

''အသျှင်ဂေါတမ တပည့်အပေါင်းနှင့် ပြည့်စုံ ကုန်သော ဂိုဏ်းနှင့် ပြည့်စုံကုန်သော ဂိုဏ်းဆရာ ဖြစ်ကုန်သော ထင်ရှား ကုန်သော ကျော်စော ကုန်သော အယူဝါဒကို တီထွင်သူ ဖြစ်ကုန်သော သူတော်ကောင်းဟု လူအများက သမုတ်ထားသူ ဖြစ်ကုန်သော ပူရဏကဿပ, မက္ခလိဂေါသလ, အဇိတကေသကမ္ဗလ, ပကုဓ ကစ္စာယန, ဗေလဋ္ဌသား သဉ္စယ, နာဋသား နိကဏ္ဌ ဟူသော သမဏဗြာဟ္မဏတို့သည် ရှိကုန်၏။ ထိုသူ အားလုံးတို့သည် မိမိတို့ ဝန်ခံသည့် အတိုင်း သိပါကုန် သလော၊ အားလုံးတို့သည်ပင် မသိဘဲ ရှိပါကုန် သလော၊ သို့မဟုတ် အချို့တို့သည် သိပါကုန် သလော၊ အချို့တို့သည် မသိပါကုန် သလော'' ဟု လျှောက်၏။

မြတ်စွာဘုရားက...

ပုဏ္ဏား ''ထိုသူအားလုံးတို့သည် မိမိတို့ ဝန်ခံသည့်အတိုင်း သိပါကုန် သလော၊ အားလုံးတို့သည်ပင်လျှင် မသိဘဲ ရှိပါကုန် သလော၊ သို့မဟုတ် အချို့တို့သည် သိပါကုန် သလော၊ အချို့တို့သည် မသိပါကုန် သလော'' ဟု မေးလျှောက်ခြင်းသည် မသင့်လျော်။ ရှိစေဦး ပုဏ္ဏား သင့်အား တရား ဟောအံ့၊ ထိုတရားကို နာလော့၊ ကောင်းစွာ နာလော့၊ ဟောကြားအံ့ ဟု မိန့်တော် မူ၏။

ပုဏ္ဏားက...

''အသျှင် ကောင်းပါပြီ'' ဟု ပိင်္ဂလကောစ္ဆ ပုဏ္ဏားသည် မြတ်စွာဘုရားအား ပြန်ကြား လျှောက်ထားလေသော် မြတ်စွာဘုရားသည် ဆိုလတ္တံ့သော ဤတရားကို ဟောတော်မူ၏ - 312

မြတ်စွာဘုရားက...

ပုဏ္ဏား ဥပမာသော်ကား အနှစ်ကို အလိုရှိ၍ အနှစ်ကို ရှာမှီးသော ယောက်ျားသည် အနှစ်ရှာလှည့်လည်သော် အနှစ် ပြည့်၍ တည်သော သစ်ပင်ကြီး၏ အနှစ်ကို လွန်၍ သာလျှင်, အကာကိုလွန်၍ သာလျှင်, အခွံကို လွန်၍ သာလျှင်, အပွေးကို လွန်၍ သာလျှင် အခက် အရွက်ကို ဖြတ်ယူ၍ အနှစ်ဟု ထင်မှတ်လျက် ဖဲခွာသွားရာ၏။ ထိုသူကို မျက်စိ အမြင် ရှိသော ယောက်ျားသည် မြင်၍ ဤသို့ ပြောဆို ရာ၏၊ ''ဤအသျှင် ယောက်ျားသည် စင်စစ် အနှစ်ကို မသိ၊ အကာကို မသိ၊ အခွံကို မသိ၊ အပွေးကို မသိ၊ အခက် အရွက်ကို မသိ၊ ထိုသို့ မသိသောကြောင့် သာလျှင် အနှစ်ကို အလိုရှိ၍ အနှစ်ကို ရှာမှီးသော ဤအသျှင် ယောက်ျားသည် အနှစ်ရှာ လှည့်လည်သော် အနှစ်ရှိ ပြည့်တည်သော သစ်ပင်ကြီး၏ အနှစ်ကို လွန်၍ သာလျှင်, အကာကို လွန်၍ သာလျှင်, အခွံကို လွန်၍ သာလျှင်, အပွေးကို လွန်၍သာလျှင် အခက် အရွက်ကို ဖြတ်ယူ၍ အနှစ် ဟု ထင်မှတ်လျက် ဖဲခွာသွား၏။ ထိုယောက်ျားသည် အနှစ်ဖြင့် ပြုလုပ်ရမည့် အကျိုးကိုလည်း မခံစားရ လတ္တံ့'' ဟု ပြောဆိုရာ၏။ 313

ပုဏ္ဏား ဥပမာသော်ကား အနှစ်ကို အလိုရှိ၍ အနှစ်ကို ရှာမှီးသော ယောက်ျားသည် အနှစ် ရှာလှည့်လည်သော် အနှစ် ပြည့်သော သစ်ပင်ကြီး၏ အနှစ်ကို လွန်၍ သာလျှင်, အကာကို လွန်၍သာလျှင်, အခွံကို လွန်၍ သာလျှင် အပွေးကို ဖြတ်ယူ၍ အနှစ်ဟု ထင်မှတ်လျက် ဖဲခွာ သွားရာ၏။ ထိုသူကို မျက်စိ အမြင်ရှိသော ယောက်ျားသည် မြင်၍ ဤသို့ ပြောဆိုရာ၏၊ ''ဤအသျှင် ယောက်ျားသည် စင်စစ် အနှစ်ကို မသိ၊ အကာကို မသိ၊ အခွံကို မသိ၊ အပွေးကို မသိ၊ အခက် အရွက်ကို မသိ၊ ထိုသို့ မသိသောကြောင့် သာလျှင် အနှစ်ကို အလိုရှိ၍ အနှစ်ကို ရှာမှီးသော ဤအသျှင် ယောက်ျားသည် အနှစ်ရှာ လှည့်လည်သော် အနှစ် ရှိသော သစ်ပင်ကြီး၏ အနှစ်ကို လွန်၍ သာလျှင်, အကာကို လွန်၍သာလျှင်, အခွံကို လွန်၍ သာလျှင် အပွေးကို ဖြတ်ယူ၍ အနှစ် ဟု ထင်မှတ်လျက် ဖဲခွာသွား၏။ ထိုယောက်ျားသည် အနှစ်ဖြင့် ပြုလုပ်ရမည့် အကျိုးကိုလည်း မခံစားရ လတ္တံ့'' ဟု ပြောဆိုရာ၏။ 314

ပုဏ္ဏား ဥပမာသော်ကား အနှစ်ကိုအလိုရှိ၍ အနှစ်ကို ရှာမှီးသော ယောက်ျားသည် အနှစ်ရှာလှည့်လည်သော် အနှစ် ပြည့်သော သစ်ပင်ကြီး၏ အနှစ်ကို လွန်၍ သာလျှင်, အကာကို လွန်၍ သာလျှင် အခွံကို ဖြတ်ယူ၍ အနှစ် ဟု ထင်မှတ်လျက် ဖဲခွါ သွားရာ၏။ ထိုသူကို မျက်စိ အမြင် ရှိသော ယောက်ျားသည် မြင်၍ ဤသို့ ပြောဆိုရာ၏၊ ''ဤအသျှင် ယောက်ျားသည် စင်စစ် အနှစ်ကို မသိ၊ အကာကို မသိ၊ အခွံကို မသိ၊ အပွေးကို မသိ၊ အခက် အရွက်ကို မသိ၊ ထိုသို့ မသိသောကြောင့်သာလျှင် အနှစ်ကို အလိုရှိ၍ အနှစ်ကို ရှာမှီးသော ဤအသျှင် ယောက်ျားသည် အနှစ်ရှာ လှည့်လည်သော် အနှစ် ပြည့်၍ တည်သော သစ်ပင်ကြီး၏ အနှစ်ကို လွန်၍ သာလျှင်, အကာကို လွန်၍ သာလျှင် အခွံကို ဖြတ်ယူ၍ အနှစ် ဟု ထင်မှတ်လျက် ဖဲခွါသွား၏။ ထိုယောက်ျားသည် အနှစ်ဖြင့် ပြုလုပ်ရမည့် အကျိုးကိုလည်း မခံစားရ လတ္တံ့'' ဟု ပြောဆိုရာ၏။ 315

ပုဏ္ဏား ဥပမာသော်ကား အနှစ်ကို အလိုရှိ၍ အနှစ်ကို ရှာမှီးသော ယောက်ျားသည် အနှစ်ရှာ လှည့်လည်သော် အနှစ်ပြည့်၍ တည်သော သစ်ပင်ကြီး၏ အနှစ်ကို လွန်၍ သာလျှင် အကာကို ဖြတ်ယူ၍ အနှစ် ဟု ထင်မှတ်လျက် ဖဲခွါ သွားရာ၏။ ထိုသူကို မျက်စိ အမြင် ရှိသော ယောက်ျားသည် မြင်၍ ဤသို့ ပြောဆိုရာ၏၊ ''ဤအသျှင် ယောက်ျားသည် စင်စစ် အနှစ်ကို မသိ၊ အကာကို မသိ၊ အခွံကို မသိ၊ အပွေးကို မသိ၊ အခက် အရွက်ကို မသိ၊ ထိုသို့ မသိသောကြောင့် သာလျှင် အနှစ်ကို အလိုရှိ၍ အနှစ်ကို ရှာမှီးသော ဤအသျှင် ယောက်ျားသည် အနှစ်ရှာ လှည့်လည်သော် အနှစ် ပြည့်၍ တည်သော သစ်ပင်ကြီး၏ အနှစ်ကို လွန်၍ သာလျှင် အကာကို ဖြတ်ယူ၍ အနှစ် ဟု ထင်မှတ်လျက် ဖဲခွါသွား၏။ ထိုယောက်ျားသည် အနှစ်ဖြင့် ပြုလုပ်ရမည့် အကျိုးကိုလည်း မခံစားရ လတ္တံ့'' ဟု ပြောဆိုရာ၏။ 316

ပုဏ္ဏား ဥပမာသော်ကား အနှစ်ကို အလိုရှိ၍ အနှစ်ကို ရှာမှီးသော ယောက်ျားသည် အနှစ်ရှာလှည့်လည်သော် အနှစ် ပြည့်၍ တည်သော သစ်ပင်ကြီး၏ အနှစ်ကို သာလျှင် ဖြတ်ယူ၍ အနှစ် ဟု သိလျက် ဖဲခွါသွား ရာ၏။ ထိုသူကို မျက်စိ အမြင် ရှိသော ယောက်ျားသည် မြင်၍ ဤသို့ ပြောဆိုရာ၏၊ ''ဤအသျှင် ယောက်ျားသည် စင်စစ် အနှစ်ကို သိ၏၊ အကာကို သိ၏၊ အခွံကို သိ၏၊ အပွေးကို သိ၏၊ အခက် အရွက်ကို သိ၏။ ထိုသို့ သိသောကြောင့် သာလျှင် အနှစ်ကို အလိုရှိ၍ အနှစ်ကို ရှာမှီးသော ဤအသျှင် ယောက်ျားသည် အနှစ်ရှာ လှည့်လည်သော် အနှစ် ပြည့်၍ တည်သော အပင်ကြီး၏ အနှစ်ကိုသာလျှင် ဖြတ်ယူ၍ အနှစ်ဟုသိလျက် ဖဲခွါသွား၏။ ထိုယောက်ျား သည် အနှစ်ဖြင့် ပြုလုပ်ရမည့် အကျိုးကိုလည်း ခံစားရ လတ္တံ့'' ဟု ပြောဆိုရာ၏။ 307

ပုဏ္ဏား ဤအတူ ပင်လျှင် ဤသာသနာတော်၌ အချို့သော ပုဂ္ဂိုလ်သည် ''(ပဋိသန္ဓေ တည်နေ) ဖြစ်ပွားခြင်း အိုခြင်း သေခြင်း ပူဆွေးခြင်း ငိုကြွေးခြင်း ကိုယ်ဆင်းရဲခြင်း စိတ်ဆင်းရဲခြင်း ပြင်းစွာ ပင်ပန်းခြင်းတို့က လွှမ်းမိုး ဖိစီး ထားသောကြောင့် ဆင်းရဲ ဒုက္ခတွင်းသို့ သက်ဝင် လျှောကျလျက် ဆင်းရဲခြင်း အနှိပ်စက် ခံနေရ၏။ ချမ်းသာ မဖက်သော ဤဆင်းရဲ အစုကို ကုန်ဆုံးအောင် ပြုလုပ်ဖို့ရန် ထင်ရှား ဖြစ်ကောင်း တန်ရာ၏''ဟု ယုံကြည်ခြင်း 'သဒ္ဓါ'ဖြင့် လူ့ဘောင်မှ ထွက်ခွာ၍ ရဟန်းဘောင်၌ ရဟန်း ပြု၏။ ထိုသူသည် ဤကဲ့သို့ ရဟန်း ပြုပြီးနောက် လာဘ်သပ်ပကာ အကျော်အစောကို ဖြစ်စေပြန်၏။ ထိုရဟန်းသည် ထိုလာဘ်သပ်ပကာ အကျော်အစောဖြင့် စိတ်တိုင်းကျ ဖြစ်၍ အကြံအစည် ပြည့်စုံသူလည်း ဖြစ်၏။ ထိုရဟန်းသည် ထိုလာဘ်သပ်ပကာ အကျော်အစောဖြင့် ''ငါသည် လာဘ်သပ် ပကာ အကျော်အစော ရှိသူ ဖြစ်၏၊ ငါမှ တစ်ပါးသော အခြား ရဟန်းတို့သည်ကား မထင်ရှားကုန်၊ တန်ခိုး အာနုဘော် နည်းကုန်၏'' ဟု မိမိကိုယ်ကို မြှင့်တင်၍ သူတစ်ပါးကိုကား နှိမ့်ချ၏။ လာဘ်သပ် ပကာ အကျော်အစော ထက်လည်း သာလွန် မွန်မြတ် ကုန်သော တစ်ပါးသော တရားတို့ကို မျက်မှောက် ပြုခြင်းငှါ အလိုဆန္ဒကို မဖြစ်စေ၊ အားထုတ်ခြင်းလည်း မရှိ၊ တွန့်ဆုတ်သော အလို အဇ္ဈသယသာ ရှိ၍ အဆုံးအမကို လျော့ရဲစွာ ယူလေ့ ရှိပေ၏။

ပုဏ္ဏား ဥပမာသော်ကား အနှစ်ကို အလိုရှိ၍ အနှစ်ကို ရှာမှီးသော ထိုယောက်ျားသည် အနှစ်ရှာ လှည့်လည်သော် အနှစ် ရှိသော သစ်ပင်ကြီး၏ အနှစ်ကို လွန်၍ သာလျှင်, အကာကို လွန်၍ သာလျှင်, အခွံကို လွန်၍ သာလျှင်, အပွေးကို လွန်၍ သာလျှင် အခက် အရွက်ကို ဖြတ်ယူ၍ အနှစ်ဟု ထင်မှတ်လျက် ဖဲခွာသွား၏။ ထိုယောက်ျားသည် အနှစ်ဖြင့် ပြုလုပ်ရမည့် အကျိုးကိုလည်း မခံစားရ လတ္တံ့။

ပုဏ္ဏား ငါသည် ဤပုဂ္ဂိုလ်ကို ထို့ပမာနှင့် အလားတူသူ ဟု ဟောကြား၏။

၁ဝ - စူဠသာရောပမသုတ်၊ မှ၊ သြပမ္မ၀ဂ်၊ မူလပဏ္ဏာသပါဠိတော်။

အပွေးကို အနှစ်ထင်၍ ယူသွားသူ...





ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

အချင်းချင်း နှုတ်လှံ ထိုးလျက် နေကြ ကုန်၏...

ကောသမ္ဗီယသုတ်

အကျွန်ုပ်သည် ဤသို့ ကြားနာခဲ့ပါသည်အခါတစ်ပါး၌ မြတ်စွာဘုရားသည် ကောသမ္ဗီပြည် ဃောသိတာရုံ ကျောင်း၌ သီတင်းသုံး နေတော်မူ၏။ ထိုအခါ ကောသမ္ဗီပြည်၌ ရဟန်းတို့သည် ငြင်းခုံကြကုန် ခိုက်ရန် ဖြစ်ကြကုန်၍ ဝါဒ ကွဲပြားခြင်းသို့ ရောက်ကြ ကုန်ပြီးလျှင် အချင်းချင်း နှုတ်လှံ ထိုးလျက် နေကြ ကုန်၏။ ထိုရဟန်းတို့သည် အချင်းချင်း နားလည်မှု ရှိရန်လည်း မပြုကြကုန်၊ နားလည်မှု ရှိခြင်းသို့လည်း မရောက်ကြကုန်၊ အချင်းချင်း အမြင်မှန် ရရန်လည်း မပြုကြကုန်၊ အမြင်မှန် ရခြင်းသို့လည်း မရောက်ကြကုန်။

ထိုအခါ ရဟန်း တစ်ပါးသည် မြတ်စွာဘုရားထံသို့ ချဉ်းကပ်ပြီးလျှင် ရိုသေစွာ ရှိခိုး၍ သင့်လျော်သော နေရာ၌ ထိုင်ကာ ဤသို့ လျှောက်ထား၏-

''အသျှင်ဘုရား ဤကောသမ္ဗီပြည်၌ ရဟန်းတို့သည် ငြင်းခုံကြကုန် ခိုက်ရန် ဖြစ်ကြ ကုန်၍ ဝါဒကွဲပြားခြင်းသို့ ရောက်ကြ ကုန်ပြီးလျှင် အချင်းချင်း နှုတ်လှံ ထိုးလျက် နေပါ ကုန်၏။ ထိုရဟန်းတို့သည်အချင်းချင်း နားလည်မှု ရှိရန်လည်း မပြုကြပါကုန်၊ နားလည်မှု ရှိခြင်းသို့လည်း မရောက်ကြပါကုန်၊ အချင်းချင်း အမြင်မှန် ရရန်လည်း မပြုကြပါကုန်၊ အမြင်မှန် ရခြင်းသို့လည်း မရောက်ကြပါကုန်'' ဟု လျှောက်၏။

ထိုအခါ မြတ်စွာဘုရားသည် ရဟန်း တစ်ပါးကို ''ရဟန်း လာလော့၊ သင်သည် ငါ့စကားဖြင့် ထိုရဟန်းတို့ကို အသျှင်တို့ မြတ်စွာဘုရားသည် သင်တို့ကို ခေါ်တော်မူ၏ ဟု သိစေလော့'' ဟု မိန့်တော်မူ၏။ ''အသျှင်ဘုရား ကောင်းပါပြီ'' ဟု ထိုရဟန်းသည် မြတ်စွာဘုရားအား ပြန်ကြား လျှောက်ထား၍ ထိုရဟန်းတို့ထံသို့ ချဉ်းကပ်ပြီးလျှင် ထိုရဟန်းတို့ကို ''မြတ်စွာဘုရားသည် အသျှင်တို့ကို ခေါ်တော်မူ၏'' ဟု ဆို၏။ ''ငါ့သျှင် ကောင်းပြီ''ဟု ထိုရဟန်းအား ပြန်ကြား၍ မြတ်စွာဘုရားထံသို့ ချဉ်းကပ်ပြီးလျှင် ရိုသေစွာ ရှိခိုးလျက် လျောက်ပတ်သော နေရာ၌ ထိုင်နေ ကုန်သော ထိုရဟန်းတို့ကို မြတ်စွာဘုရားသည် ဤသို့ မေးတော်မူ၏-

''ရဟန်းတို့ ငြင်းခုံကြကုန် ခိုက်ရန် ဖြစ်ကြကုန်၍ ဝါဒ ကွဲပြားခြင်းသို့ ရောက်ကြ ကုန်ပြီးလျှင် အချင်းချင်း နှုတ်လှံ ထိုးလျက် နေကြကုန်သော သင်တို့သည် အချင်းချင်း နားလည်မှု ရှိရန်လည်း မပြုကြကုန်၊ နားလည်မှု ရှိခြင်းသို့လည်း မရောက်ကြကုန်၊ အချင်းချင်း အမြင်မှန် ရရန်လည်း မပြုကြကုန်၊ အမြင်မှန် ရခြင်းသို့လည်း မရောက်ကြကုန် ဟူသည် မှန်ပါသလော'' ဟု မေးတော် မူ၏။

မှန်ပါ၏ အသျှင်ဘုရား ဟု လျှောက်ကြကုန်၏။

ရဟန်းတို့ ထိုအရာကို အဘယ်သို့ ထင်မှတ်ကုန် သနည်း၊ သင်တို့သည် ငြင်းခုံကြကုန် ခိုက်ရန် ဖြစ်ကြကုန်၍ ဝါဒ ကွဲပြားခြင်းသို့ ရောက်ကြ ကုန်ပြီးလျှင် အချင်းချင်း နှုတ်လှံ ထိုးလျက် နေကြသောအခါ သင်တို့အား သီတင်းသုံးဖော်တို့၌ မျက်မှောက် ဖြစ်စေ၊ မျက်ကွယ် ဖြစ်စေ ကာယကံ မေတ္တာသည် ရှေးရှု တည်၏လော၊ ဝစီကံ မေတ္တာသည်။ပ။ သီတင်းသုံးဖော်တို့၌ မျက်မှောက် ဖြစ်စေ၊ မျက်ကွယ် ဖြစ်စေ မနောကံ မေတ္တာသည် ရှေးရှု တည်၏လော ဟု မေးတော်မူ၏။ မတည်ပါ အသျှင်ဘုရား ဟု လျှောက်ကြကုန်၏။

ရဟန်းတို့ ငြင်းခုံကြကုန် ခိုက်ရန် ဖြစ်ကြကုန်၍ ဝါဒ ကွဲပြားခြင်းသို့ ရောက်ကြ ကုန်ပြီးလျှင် အချင်းချင်း နှုတ်လှံ ထိုးလျက် နေကြသောအခါ သင်တို့အား သီတင်းသုံးဖော်တို့၌ မျက်မှောက် ဖြစ်စေ၊ မျက်ကွယ် ဖြစ်စေ ကာယကံ မေတ္တာသည် ရှေးရှု မတည်၊ ဝစီကံ မေတ္တာသည်။ပ။ သီတင်းသုံးဖော်တို့၌ မျက်မှောက် ဖြစ်စေ၊ မျက်ကွယ် ဖြစ်စေ မနောကံ မေတ္တာသည် ရှေးရှု မတည်ဟုကား ဆို၏။ မဂ်ဖိုလ်မှ အချည်းနှီး ဖြစ်သော ယောက်ျားတို့ ထိုသို့ ဖြစ်လျက် သင်တို့သည် အဘယ်ကို သိကြ မြင်ကြသဖြင့် ငြင်းခုံကြကုန် ခိုက်ရန် ဖြစ်ကြကုန်၍ ဝါဒ ကွဲပြားခြင်းသို့ ရောက်ကြ ကုန်ပြီးလျှင် အချင်းချင်း နှုတ်လှံ ထိုးလျက် နေကြကုန်ဘိ သနည်း။ ထိုသင်တို့သည် အချင်းချင်း နားလည်မှု ရှိရန်လည်း မပြုကြကုန်ဘိသနည်း၊ နားလည်မှု ရှိခြင်းသို့လည်း မရောက်ကြကုန်ဘိ သနည်း၊ အချင်းချင်း အမြင်မှန် ရရန်လည်း မပြုကြကုန်ဘိ သနည်း၊ အမြင်မှန် ရခြင်းသို့လည်း မရောက်ကြကုန်ဘိ သနည်း။ မဂ်ဖိုလ်မှ အချည်းနှီးဖြစ်သော ယောက်ျားတို့ ထိုသို့ ဖြစ်ခြင်းသည် သင်တို့အား ရှည်ကြာစွာသော ကာလပတ်လုံး စီးပွားမဲ့ရန် ဆင်းရဲရန် ဖြစ်ပေလိမ့်မည် ဟု မိန့်တော်မူ၏။ 491


ထိုအခါ မြတ်စွာဘုရားသည် ရဟန်းတို့ကို မိန့်တော် မူ၏၊ ရဟန်းတို့ မပြတ် အောက်မေ့ထိုက်ကုန်သော, ချစ်ခြင်းကို ပြုတတ် ကုန်သော, လေးစားခြင်းကို ပြုတတ် ကုန်သော ဤခြောက်ပါးသော တရားတို့သည် သိမ်းသွင်းရန် ဝါဒ မကွဲပြားရန် ညီညွတ်ရန် တစ်ပေါင်းတည်း ဖြစ်ရန် ဖြစ်ကုန်၏။

အဘယ် ခြောက်ပါးတို့နည်း၊

၁...
ရဟန်းတို့ ဤသာသနာတော်၌ ရဟန်းအား သီတင်းသုံးဖော်တို့၌ မျက်မှောက် ဖြစ်စေ၊ မျက်ကွယ် ဖြစ်စေ ကာယကံ မေတ္တာသည် ရှေးရှု တည်၏။ မပြတ် အောက်မေ့ထိုက်သော ချစ်ခြင်းကို ပြုတတ်သော လေးစားခြင်းကို ပြုတတ်သော ဤတရားသည်လည်း သိမ်းသွင်းရန် ဝါဒ မကွဲပြားရန် ညီညွတ်ရန် တစ်ပေါင်းတည်း ဖြစ်ရန် ဖြစ်၏။

၂...
ရဟန်းတို့ နောက်တစ်မျိုးကား ရဟန်းအား သီတင်းသုံးဖော်တို့၌ မျက်မှောက် ဖြစ်စေ၊ မျက်ကွယ် ဖြစ်စေ ဝစီကံ မေတ္တာသည် ရှေးရှု တည်၏။ မပြတ် အောက်မေ့ ထိုက်သော ချစ်ခြင်းကို ပြုတတ်သော လေးစားခြင်းကို ပြုတတ်သော ဤတရားသည်လည်း သိမ်းသွင်းရန် ဝါဒ မကွဲပြားရန် ညီညွတ်ရန် တစ်ပေါင်းတည်း ဖြစ်ရန် ဖြစ်၏။

၃...
ရဟန်းတို့ နောက်တစ်မျိုးကား ရဟန်းအား သီတင်းသုံးဖော်တို့၌ မျက်မှောက် ဖြစ်စေ၊ မျက်ကွယ် ဖြစ်စေ မနောကံ မေတ္တာသည် ရှေးရှု တည်၏။ မပြတ် အောက်မေ့ ထိုက်သော ချစ်ခြင်းကို ပြုတတ်သော လေးစားခြင်းကို ပြုတတ်သော ဤတရားသည်လည်း သိမ်းသွင်းရန် ဝါဒ မကွဲပြားရန် ညီညွတ်ရန် တစ်ပေါင်းတည်း ဖြစ်ရန် ဖြစ်၏။

၎...
ရဟန်းတို့ နောက်တစ်မျိုးကား ရဟန်းအား တရားနှင့် လျော်စွာ ဖြစ်ကုန်သော တရားသဖြင့် ရကုန်သော လာဘ်တို့ကို အယုတ်ဆုံး အားဖြင့် သပိတ် အတွင်းရှိ ဆွမ်းမျှကို သော်လည်း မခွဲခြားဘဲသုံးဆောင်ခြင်း ရှိ၏၊ အကျင့် သီလရှိသော သီတင်းသုံးဖော်တို့နှင့် ဆက်ဆံသော သုံးဆောင်ခြင်း ရှိ၏။ မပြတ် အောက်မေ့ ထိုက်သော ချစ်ခြင်းကို ပြုတတ်သော လေးစားခြင်းကို ပြုတတ်သော ဤတရားသည်
လည်း သိမ်းသွင်းရန် ဝါဒ မကွဲပြားရန် ညီညွတ်ရန် တစ်ပေါင်းတည်း ဖြစ်ရန် ဖြစ်၏။

၅...
ရဟန်းတို့ နောက်တစ်မျိုးကား ရဟန်းသည် မကျိုးမပေါက် မပြောက်မကျား ကုန်သော၊ တဏှာ့ကျွန် အဖြစ်မှ တော်လှန်ခြင်းကို ပြုတတ် ကုန်သော၊ ပညာရှိတို့ ချီးမွမ်း ထိုက်ကုန်သော၊ အမှား အသုံးသပ်မခံရ ကုန်သော၊ တည်ကြည်ခြင်း 'သမာဓိ'ကို ဖြစ်စေတတ် ကုန်သော စောင့်စည်းမှု သီလမျိုးတို့၌ သီတင်း သုံးဖော်တို့နှင့် မျက်မှောက် ဖြစ်စေ၊ မျက်ကွယ် ဖြစ်စေ စောင့်စည်းမှု သီလ တူသည်၏ အဖြစ်သို့ ရောက်လျက်နေ၏။ မပြတ် အောက်မေ့ ထိုက်သော ချစ်ခြင်းကို ပြုတတ်သော လေးစားခြင်းကို ပြုတတ်သော ဤတရားသည်လည်း သိမ်းသွင်းရန် ဝါဒ မကွဲပြားရန် ညီညွတ်ရန် တစ်ပေါင်းတည်း ဖြစ်ရန် ဖြစ်၏။

၆...
ရဟန်းတို့ နောက် တစ်မျိုးကား ရဟန်းသည် ဖြူစင်သော (ဝဋ်ဆင်းရဲမှ) ထုတ်ဆောင် တတ်သော ထိုအတိုင်း ပြုသူအား ကောင်းစွာ ဝဋ်ဆင်းရဲ ကုန်ရန် ဖြစ်သော အယူမျိုး၌ သီတင်းသုံးဖော်တို့နှင့် မျက်မှောက် ဖြစ်စေ၊ မျက်ကွယ် ဖြစ်စေ အယူတူသည့် အဖြစ်သို့ ရောက်လျက် နေ၏။ မပြတ် အောက်မေ့ထိုက်သော ချစ်ခြင်းကို ပြုတတ်သော လေးစားခြင်းကို ပြုတတ်သော ဤတရားသည်လည်း သိမ်းသွင်းရန် ဝါဒ မကွဲပြားရန် ညီညွတ်ရန် တစ်ပေါင်းတည်း ဖြစ်ရန် ဖြစ်၏။

ရဟန်းတို့ မပြတ်အောက်မေ့ ထိုက်သော ချစ်ခြင်းကို ပြုတတ်သော လေးစားခြင်းကို ပြုတတ်သော ဤတရားခြောက်ပါးတို့သည် သိမ်းသွင်းရန် ဝါဒမကွဲပြားရန် ညီညွတ်ရန် တစ်ပေါင်းတည်းဖြစ်ရန် ဖြစ်ကုန်၏။

ရဟန်းတို့ မပြတ် အောက်မေ့ ထိုက်သော ဤတရား ခြောက်ပါးတို့တွင် ဝဋ်မှ ထုတ်ဆောင် တတ်သော ထိုအတိုင်း ပြုသူအား ကောင်းစွာ ဝဋ်ဆင်းရဲ ကုန်ရန် ဖြစ်သည့် ဖြူစင်သော ဤအယူသည် အချက်အခြာ ဖြစ်၏၊ စုရုံးရာ ဖြစ်၏၊ ပေါင်းဆုံရာ ဖြစ်၏။

ရဟန်းတို့ ဥပမာသော်ကား အထွတ်တပ်သော အိမ်၌ အထွတ်သည် အချက်အခြာ စုရုံးရာ ပေါင်းဆုံရာ ဖြစ်သကဲ့သို့၊ ဤအတူပင် မပြတ် အောက်မေ့ ထိုက်သော ဤတရား ခြောက်ပါးတို့တွင် ဝဋ်မှ ထုတ်ဆောင် တတ်သော ထိုအတိုင်း ပြုသူအား ကောင်းစွာ ဝဋ်ဆင်းရဲ ကုန်ရန် ဖြစ်သည့် ဖြူစင်သော ဤအယူသည် အချက်အခြာ ဖြစ်၏၊ စုရုံးရာ ဖြစ်၏၊ ပေါင်းဆုံရာ ဖြစ်၏။ 492

ရဟန်းတို့ အဘယ်သို့လျှင် ဝဋ်မှ ထုတ်ဆောင်တတ်သည့် ဖြူစင်သော ဤအယူသည် ထိုအတိုင်း ပြုသူအား ကောင်းစွာ ဝဋ်ဆင်းရဲကုန်ရန် ဖြစ်သနည်း။ ရဟန်းတို့ ဤသာသနာတော်၌ ရဟန်းသည် တောသို့ ကပ်၍ ဖြစ်စေ၊ သစ်ပင်ရင်းသို့ ကပ်၍ ဖြစ်စေ၊ ဆိတ်ငြိမ်ရာသို့ ကပ်၍ ဖြစ်စေ ယင်း ထကြွမှုမျိုးဖြင့် ထကြွသောစိတ် ရှိသည် ဖြစ်၍ ဟုတ်တိုင်းမှန်စွာ ငါမသိနိုင် မမြင်နိုင်လောက်သော အတွင်း သန္တာန်၌ မပယ်ရသေးသော ထကြွမှုမျိုးသည် ငါ့အား ရှိသေးသလော ဟု ဆင်ခြင်၏။ ရဟန်းတို့ အကယ်၍ ရဟန်းသည် ကာမဂုဏ် တပ်မက်မှု 'ကာမရာဂ ထကြွသည် ဖြစ်မူ ထကြွသောစိတ် ရှိသည်သာ ဖြစ်၏။ အကယ်၍ ရဟန်းသည် ဖျက်ဆီးလိုမှု 'ဗျာပါဒ' ထကြွသည် ဖြစ်မူ ထကြွသောစိတ် ရှိသည်သာ ဖြစ်၏။ အကယ်၍ ရဟန်းသည် ထိုင်းမှိုင်းမှု 'ထိနမိဒ္ဓ' ထကြွသည် ဖြစ်မူ ထကြွသော စိတ် ရှိသည်သာ ဖြစ်၏။ အကယ်၍ ရဟန်းသည် ပျံ့လွင့်မှု 'ဥဒ္ဓစ္စ' နောင်တ ပူပန်မှု 'ကုက္ကုစ္စ' ထကြွသည် ဖြစ်မူ ထကြွသောစိတ် ရှိသည်သာ ဖြစ်၏။ အကယ်၍ ရဟန်းသည် တွေးတော ယုံမှားမှု'ဝိစိကိစ္ဆာ' ထကြွသည် ဖြစ်မူ ထကြွသောစိတ် ရှိသည်သာ ဖြစ်၏။ အကယ်၍ ရဟန်းသည် ဤမျက်မှောက် လောကကို ကြံစည်ခြင်း၌ လေ့လာသည် ဖြစ်မူ ထကြွသော စိတ်ရှိသည်သာ ဖြစ်၏။

အကယ်၍ ရဟန်းသည် တမလွန် လောကကို ကြံစည်ခြင်း၌ လေ့လာသည် ဖြစ်မူ ထကြွသော စိတ် ရှိသည်သာဖြစ်၏။ အကယ်၍ ရဟန်းသည် ငြင်းခုံ ခိုက်ရန် ဖြစ်သည် ဖြစ်၍ ဝါဒ ကွဲပြားခြင်းသို့ ရောက်ပြီးလျှင်အချင်းချင်း နှုတ်လှံ ထိုးလျက် နေမူ ထကြွသော စိတ် ရှိသည်သာ ဖြစ်၏။ ထိုရဟန်းသည် ''ယင်းထကြွမှုမျိုးဖြင့် ထကြွသော စိတ်ရှိသည် ဖြစ်၍ ဟုတ်တိုင်းမှန်စွာ ငါမသိနိုင် မမြင်နိုင် လောက်သော အတွင်းသန္တာန်၌ မပယ်ရသေးသော ထကြွမှုမျိုးသည် ငါ့အား မရှိ၊ သစ္စာတို့ကို သိရန် ငါသည် စိတ်ကို ကောင်းစွာ ထားပြီးပြီ'' ဟု သိ၏။ ထိုရဟန်းသည် လောကမှ လွန်မြောက်၍ ပုထုဇဉ်တို့နှင့် မဆက်ဆံသည့် ဖြူစင်သော ဤပဌမ ပစ္စဝေက္ခဏာ ဉာဏ်ကို ရပြီ။ 493

ရဟန်းတို့ နောက်တစ်မျိုးကား မြတ်စွာဘုရား၏ တပည့်သာဝကသည် ''ငါသည် ဤအယူကို မှီဝဲ၍ ပွားစေ၍ များစွာပြု၍ မိမိစိတ် ငြိမ်သက်ခြင်းကို ရသလော၊ မိမိစိတ် ငြိမ်းအေးခြင်းကို ရသလော''ဟု ဆင်ခြင်၏။ ထိုတပည့်သာဝကသည် ''ငါသည် ဤအယူကို မှီဝဲပွားစေ၍ များစွာပြု၍ မိမိစိတ် ငြိမ်သက်ခြင်းကို ရ၏၊ မိမိစိတ် ငြိမ်းအေးခြင်းကို ရ၏'' ဟု သိ၏။ ထိုတပည့် သာဝကသည် လောကမှ လွန်မြောက်၍ ပုထုဇဉ်တို့နှင့် မဆက်ဆံသည့် ဖြူစင်သော ဤဒုတိယ ပစ္စဝေက္ခဏာ ဉာဏ်ကို ရ၏။ 494

ရဟန်းတို့ နောက်တစ်မျိုးကား မြတ်စွာဘုရား၏ တပည့်သာဝကသည် ''ဤသာသနာတော်မှ အပ၌ ငါ ပြည့်စုံနေသော အယူ အမျိုးအစားနှင့် ပြည့်စုံသည့် တစ်ပါးသော သမဏ ဖြစ်စေ၊ ဗြာဟ္မဏ ဖြစ်စေ ရှိသေးသလော'' ဟု ဆင်ခြင်၏။ ထိုတပည့်သာဝကသည် ''ဤသာသနာတော်မှ အပ၌ ငါ ပြည့်စုံ နေသော အယူ အမျိုးအစားနှင့် ပြည့်စုံသည့် တစ်ပါးသော သမဏ ဖြစ်စေ၊ ဗြာဟ္မဏ ဖြစ်စေမရှိ'' ဟု သိ၏။ ထိုတပည့်သာဝကသည် လောကမှ လွန်မြောက်၍ ပုထုဇ္ဇဉ်တို့နှင့် မဆက်ဆံသည့် ဖြူစင်သော ဤတတိယ ပစ္စဝေက္ခဏာ ဉာဏ်ကို ရ၏။ 495

ရဟန်းတို့ နောက်တစ်မျိုးကား မြတ်စွာဘုရား၏ တပည့်သာဝကသည် ''အယူနှင့် ပြည့်စုံသည့် ပုဂ္ဂိုလ်သည် ပြည့်စုံ နေသော ထုံးတမ်းစဉ်လာ အမျိုးအစားနှင့် ငါလည်း ပြည့်စုံ၏'' ဟု ဆင်ခြင်၏။ ရဟန်းတို့ အယူနှင့် ပြည့်စုံသော ပုဂ္ဂိုလ်သည် အဘယ်သို့ သဘောရှိသော ထုံးတမ်း စဉ်လာနှင့် ပြည့်စုံသနည်း။ ရဟန်းတို့ အယူနှင့် ပြည့်စုံသော ပုဂ္ဂိုလ်သည် အာပတ်မှ ထနိုင် ကောင်းသော အာပတ်မျိုးသို့ ရောက်စေကာမူ ထိုအာပတ်ကို လျင်မြန်စွာပင် မြတ်စွာဘုရားထံ၌ ဖြစ်စေ၊ ပညာရှိ သီတင်းသုံးဖော်တို့ထံ၌ ဖြစ်စေ ဒေသနာ ကြား၏၊ ဖော်ပြ၏၊ ပေါ်လွင်အောင် ပြု၏၊ ဒေသနာ ကြားပြီး၍ ဖော်ပြပြီး၍ ပေါ်လွင်အောင် ပြုပြီး၍ နောင်အခါ၌ စောင့်စည်းခြင်းသို့ ရောက်၏။ ဤသည်ကား အယူနှင့် ပြည့်စုံသော ပုဂ္ဂိုလ်၏ ထုံးတမ်း စဉ်လာတည်း။

ရဟန်းတို့ ပက်လက်အိပ် အရွယ် ဖြစ်သော ကလေးသူငယ် လူမမယ်သည် လက်ဖြင့် ဖြစ်စေ၊ ခြေဖြင့် ဖြစ်စေ မီးကျီးခဲကို ထိလျှင် လျင်မြန်စွာပင် ပြန်ရုတ် သကဲ့သို့ ဤအတူပင် အာပတ်မှ ထနိုင်ကောင်းသော အာပတ်မျိုးသို့ ရောက်စေကာမူ ထိုအာပတ်ကို လျင်မြန်စွာပင် မြတ်စွာဘုရားထံ၌ ဖြစ်စေ၊ ပညာရှိ သီတင်း သုံးဖော်တို့ထံ၌ ဖြစ်စေ ဒေသနာ ကြား၏၊ ဖော်ပြ၏၊ ပေါ်လွင်အောင် ပြု၏၊ ဒေသနာ ကြားပြီး၍ ဖော်ပြပြီး၍ ပေါ်လွင်အောင် ပြုပြီး၍ နောင်အခါ၌ စောင့်စည်းခြင်းသို့ ရောက်၏။ ဤသည်ကား အယူနှင့် ပြည့်စုံသော ပုဂ္ဂိုလ်၏ ထုံးတမ်း စဉ်လာတည်း။ ထိုတပည့်သာဝကသည် ''အယူနှင့် ပြည့်စုံသော ပုဂ္ဂိုလ်သည် ပြည့်စုံနေသော ထုံးတမ်းစဉ်လာ အမျိုးအစားနှင့် ငါလည်း ပြည့်စုံ၏'' ဟု သိ၏။ ထိုတပည့် သာဝကသည် လောကမှ လွန်မြောက်၍ ပုထုဇဉ်တို့နှင့် မဆက်ဆံသည့် ဖြူစင်သော ဤစတုတ္ထ ပစ္စဝေက္ခဏာဉာဏ်ကိုရ၏။ 496

ရဟန်းတို့ နောက်တစ်မျိုးကား မြတ်စွာဘုရား၏ တပည့်သာဝကသည် ''အယူနှင့် ပြည့်စုံနေသည့် ပုဂ္ဂိုလ်သည် ပြည့်စုံ နေသော ထုံးတမ်းစဉ်လာ အမျိုးအစားနှင့် ငါလည်း ပြည့်စုံ၏'' ဟုဆင်ခြင်၏။ ရဟန်းတို့ အယူနှင့် ပြည့်စုံသော ပုဂ္ဂိုလ်သည် အဘယ်သို့ သဘော ရှိသော ထုံးတမ်းစဉ်လာနှင့် ပြည့်စုံ သနည်း။

ရဟန်းတို့ အယူနှင့် ပြည့်စုံသော ပုဂ္ဂိုလ်သည် သီတင်း သုံးဖော်တို့၏ ထိုထိုဤဤ အမှုကြီးငယ်တို့၌ ကြောင့်ကြ စိုက်နေစေကာမူ မြင့်မြတ်သော ကိုယ်ကျင့်သီလ လေ့ကျင့်ခန်း 'အဓိသီလသိက္ခာ'၊ မြင့်မြတ်သော စိတ်လေ့ကျင့်ခန်း 'အဓိစိတ္တသိက္ခာ'၊ မြင့်မြတ်သော ပညာလေ့ကျင့်ခန်း 'အဓိပညာသိက္ခာ'၌ အလွန် ငဲ့ကွက်ခြင်း ရှိ၏။ ဤသည်ကား အယူနှင့် ပြည့်စုံသော ပုဂ္ဂိုလ်၏ ထုံးတမ်း စဉ်လာပင်တည်း။ ရဟန်းတို့ သားငယ် ရှိသော နွားမသည် မြက်ကိုလည်း ဆွဲစား၏၊ နွားငယ်ကိုလည်း စောင့်ငဲ့ကြည့်ရှု သကဲ့သို့၊ ဤအတူပင် အယူနှင့် ပြည့်စုံသော ပုဂ္ဂိုလ်သည် သီတင်း သုံးဖော်တို့၏ ထိုထို ဤဤ အမှုကြီးငယ်တို့၌ ကြောင့်ကြ စိုက်နေစေကာမူ မြငြ့်မတ်သော ကိုယ်ကျင့်သီလ လေ့ကျင့်ခန်း 'အဓိသီလ သိက္ခာ'၊ မြင့်မြတ်သော စိတ် လေ့ကျင့်ခန်း 'အဓိစိတ္တသိက္ခာ'၊ မြင့်မြတ်သော ပညာလေ့ကျင့်ခန်း 'အဓိပညာသိက္ခာ'၌ အလွန် ငဲ့ကွက်ခြင်း ရှိ၏။ ဤသည်ကား အယူနှင့် ပြည့်စုံသော ပုဂ္ဂိုလ်၏ ထုံးတမ်း စဉ်လာပင်တည်း။ ထိုတပည့်သာဝကသည် ''အယူနှင့် ပြည့်စုံသည့် ပုဂ္ဂိုလ်သည် ပြည့်စုံနေသော ထုံးတမ်း စဉ်လာ အမျိုးအစားနှင့် ငါလည်း ပြည့်စုံ၏''ဟု သိ၏။ ထိုတပည့်သာဝကသည် လောကမှ လွန်မြောက်၍ ပုထုဇဉ် တို့နှင့် မဆက်ဆံသည့် မြတ်သော ဤပဉ္စမ ပစ္စဝေက္ခဏာ ဉာဏ်ကို ရ၏။ 497

ရဟန်းတို့ နောက်တစ်မျိုးကား မြတ်စွာဘုရား၏ တပည့်သာဝကသည် ''အယူနှင့် ပြည့်စုံသည့် ပုဂ္ဂိုလ်သည် ပြည့်စုံနေသော အားအမျိုးအစားနှင့် ငါလည်း ပြည့်စုံ၏'' ဟု ဆင်ခြင်၏။ ရဟန်းတို့ အယူနှင့် ပြည့်စုံသော ပုဂ္ဂိုလ်သည် အဘယ်သို့ သဘောရှိသော အားနှင့် ပြည့်စုံသနည်း။ ရဟန်းတို့ အယူနှင့် ပြည့်စုံသော ပုဂ္ဂိုလ်သည် မြတ်စွာဘုရား ဟောကြားထားသော ဓမ္မဝိနယကို ဟောကြားလတ် သော် အလိုရှိသည်ကို ပြု၍ နှလုံးသွင်း၍ အလုံးစုံသော စိတ်ဖြင့် မှတ်သား၍ နားစိုက်လျက် တရားကို နာ၏။ ဤသည်ကား အယူနှင့် ပြည့်စုံသော ပုဂ္ဂိုလ်၏ အားတည်း။ ထိုတပည့် သာဝကသည် ''အယူနှင့် ပြည့်စုံသည့် ပုဂ္ဂိုလ်သည် ပြည့်စုံနေသော စွမ်းအား အမျိုးအစားနှင့် ငါလည်း ပြည့်စုံ၏'' ဟု သိ၏။ ထိုတပည့်သာဝကသည် လောကမှ လွန်မြောက်၍ ပုထုဇ္ဇဉ်တို့နှင့် မဆက်ဆံသည့် ဖြူစင်သော ဤဆဋ္ဌ ပစ္စဝေက္ခဏာ ဉာဏ်ကို ရ၏။ 498

ရဟန်းတို့ နောက်တစ်မျိုးကား မြတ်စွာဘုရား၏ တပည့်သာဝကသည် ''အယူနှင့် ပြည့်စုံသည့် ပုဂ္ဂိုလ်သည် ပြည့်စုံနေသော အားအမျိုးအစားနှင့် ငါလည်း ပြည့်စုံ၏'' ဟု ဆင်ခြင်၏။ ရဟန်းတို့ အယူနှင့် ပြည့်စုံသော ပုဂ္ဂိုလ်သည် အဘယ်သို့ သဘောရှိသော အားနှင့် ပြည့်စုံသနည်း။ ရဟန်းတို့ အယူနှင့် ပြည့်စုံသော ပုဂ္ဂိုလ်သည် မြတ်စွာဘုရား ဟောထားသော ဓမ္မဝိနယကို ဟောကြားလတ်သော် အနက် အဓိပ္ပါယ် နားလည်မှုကို ရ၏၊ စကား နားလည်မှုကို ရ၏၊ တရားနှင့် စပ်သော ဝမ်းမြောက်မှုကို ရ၏။ ဤသည်ကား အယူနှင့် ပြည့်စုံသော ပုဂ္ဂိုလ်၏ အားတည်း။ ထိုတပည့်သာဝကသည် ''အယူနှင့် ပြည့်စုံသည့် ပုဂ္ဂိုလ်သည် ပြည့်စုံနေသော အားနှင့် ငါလည်း ပြည့်စုံ၏'' ဟု သိ၏။ ထိုတပည့်သာဝကသည် လောကမှ လွန်မြောက်၍ ပုထုဇဉ်တို့နှင့် မဆက်ဆံသည့် ဖြူစင်သော ဤသတ္တမ ပစ္စဝေက္ခဏာ ဉာဏ်ကို ရ၏။ 499

ရဟန်းတို့ ဤသို့ အင်္ဂါခုနစ်ပါးတို့နှင့် ပြည့်စုံသော မြတ်စွာဘုရား၏ တပည့် သာဝကသည် သောတာပတ္တိဖိုလ်ကို မျက်မှောက် ပြုသောအားဖြင့် ထုံးတမ်း စဉ်လာကို ကောင်းစွာ စူးစမ်းပြီးပြီ။ ရဟန်းတို့ ဤသို့ အင်္ဂါခုနစ်ပါးတို့နှင့် ပြည့်စုံသော မြတ်စွာဘုရား၏ တပည့်သာဝကသည် သောတာပတ္တိဖိုလ်နှင့် ပြည့်စုံသူ ဖြစ်၏ဟု ဤတရား စကားကို မြတ်စွာဘုရားသည် ဟောတော်မူ၏။ ထိုရဟန်းတို့သည် မြတ်စွာဘုရား၏ တရား စကားကို နှစ်ခြိုက် ဝမ်းမြောက်ကြ ကုန်၏။ 500

၈ - ကောသမ္ဗီယသုတ်၊ စူဠယမက၀ဂ်၊ မူလပဏ္ဏာသပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

ထိုရဟန်းကို သီတင်းသုံးဖော်တို့သည် ရိုသေကြကုန်၏...

အနင်္ဂဏသုတ်
မှ...
ကိလေသာကင်းသော၊ အပြစ်မရှိသော

ငါ့သျှင် တစ်စုံ တစ်ယောက်သော ရဟန်းအား ယုတ်ညံ့ဆိုးရွား အကုသိုလ်တရား ဖြစ်ကုန်သော အလိုဆိုးကြောင့် ဖြစ်သည့် (ကောပ, အပ္ပစ္စယ) တရားတို့ကို ပယ်ထားပြီးသည်ကို မြင်လည်း မြင်ရကုန်အံ့၊ ကြားလည်း ကြားရကုန်အံ့၊ ထိုရဟန်း သည် အကယ်၍ ရွာကျောင်း၌ နေသူ ပင့်ဖိတ်ဆွမ်းကို ခံယူသူ ဒါယကာတို့ လှူသော သင်္ကန်းကို ဆောင်သူ ဖြစ်စေကာမူ ထိုရဟန်းကို သီတင်းသုံးဖော်တို့သည် ရိုသေကြကုန်၏၊ လေးစားကြ ကုန်၏၊ မြတ်နိုးကြ ကုန်၏၊ ပူဇော်ကြကုန်၏။

ထိုသို့ ဖြစ်ခြင်းသည် အဘယ့်ကြောင့်နည်း၊

ထိုအသျှင်အား ယုတ်ညံ့ဆိုးရွား အကုသိုလ်တရား ဖြစ်ကုန်သော အလိုဆိုးကြောင့် ဖြစ်သည့် (ကောပ, အပ္ပစ္စယ) တရားတို့ကို ပယ်ထားပြီး ဖြစ်သည်ကို မြင်လည်း မြင်ကြရ ကြားလည်း ကြားကြရသောကြောင့်ပေတည်း။

ငါ့သျှင် ဥပမာသော်ကား ဈေးမှ ဖြစ်စေ၊ ပန်းတဉ်းသမားအိမ်မှ ဖြစ်စေ စင်ကြယ် ဖြူဖွေးသော ကြေးခွက်ကို ဆောင်ယူခဲ့ရာ၏၊ ထိုကြေးခွက်၌ ပိုင်ရှင်တို့သည် ဆန်မည်းကို ရွေးချယ်ထားသော သလေးထမင်းနှင့် များစွာသော ဟင်း, စားမဲ ဟင်းလျာကို ပြည့်အောင် ထည့်၍ အခြားကြေးခွက်ဖြင့် ဖုံးပိတ်ကာ ဈေးတွင်းသို့ သွားကြရာ၏၊ လူအပေါင်းသည် ထိုကြေးခွက်ကို တွေ့မြင်သော် ''အချင်း အဘယ့်ကြောင့် ဤအရာကိုသာလျှင် ကောင်းနိုးရာရာ လက်ဆောင်ကဲ့သို့ ယူဆောင်လာ သနည်း'' ဟု ပြောဆိုပြီးလျှင် ထို(ခွက်)ကို ထ၍ ဖွင့်လှစ် ကြည့်ရှုရာ၏၊ (ထိုမွန်မြတ်သော သလေးထမင်းကို) မြင်သည်နှင့် တစ်ပြိုင်နက် ထိုလူအပေါင်းအား နှစ်မြို့စိတ် မရွံရှာစိတ် မစက်ဆုပ်စိတ်သည် ဖြစ်လေရာ၏၊ အစာ ဝနေသူတို့ပင်စားချင် လာရာ၏၊ ဆာလောင်နေသူတို့ကား ပြောဖွယ်ရာ မရှိ။ ငါ့သျှင် ဤဥပမာအတူပင် တစ်စုံ တစ်ယောက်သော ရဟန်းအား ယုတ်ညံ့ဆိုးရွား အကုသိုလ်တရား ဖြစ်ကုန်သော အလိုဆိုးကြောင့် ဖြစ်သည့် (ကောပ, အပ္ပစ္စယ) တရားတို့ကို ပယ်ထားပြီးသည်ကို မြင်လည်း မြင်ရကုန်အံ့၊ ကြားလည်း ကြားရကုန်အံ့၊ ထိုရဟန်းသည် အကယ်၍ ရွာကျောင်း၌ နေသူ ပင့်ဖိတ်ဆွမ်းကို ခံယူသူ ဒါယကာတို့ လှူသောသင်္ကန်းကို ဆောင်သူ ဖြစ်စေကာမူ ထိုရဟန်းကို သီတင်းသုံးဖော်တို့သည် ရိုသေကြကုန်၏၊ လေးစားကြကုန်၏၊ မြတ်နိုးကြကုန်၏၊ ပူဇော်ကြကုန်၏။ ထိုသို့ဖြစ်ခြင်းသည် အဘယ့်ကြောင့်နည်း၊ ထိုအသျှင်အား ယုတ်ညံ့ဆိုးရွား အကုသိုလ် တရား ဖြစ်ကုန်သော အလိုဆိုးကြောင့် ဖြစ်သည့် (ကောပ,အပ္ပစ္စယ) တရားတို့ကို ပယ်ထားပြီး ဖြစ်သည်ကို မြင်လည်း မြင်ကြရ ကြားလည်း ကြားကြရသောကြောင့်ပေတည်း။ 62

၅ - အနင်္ဂဏသုတ်၊ မှ၊ မူလပရိယာယ၀ဂ်၊ မူလပဏ္ဏာသပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

ထိုရဟန်းကို သီတင်း သုံးဖော်တို့သည် မရိုသေကြကုန်...

အနင်္ဂဏသုတ်
မှ...
ကိလေသာကင်းသော၊ အပြစ်မရှိသော

ငါ့သျှင် တစ်စုံ တစ်ယောက်သော ရဟန်းအား ယုတ်ညံ့ဆိုးရွား အကုသိုလ်တရား ဖြစ်ကုန်သော အလိုဆိုးကြောင့် ဖြစ်သည့် (ကောပ, အပ္ပစ္စယ) တရားတို့ကို မပယ်ရ သေးသည်ကို မြင်လည်းမြင်ရ ကုန်အံ့၊ ကြားလည်း ကြားရ ကုန်အံ့၊ ထိုရဟန်းသည် အကယ်၍ တောစွန် တောင်ဖျား၌ ဖြစ်သောကျောင်းများ၌ နေ၍ အရညကင် ဓုတင်ဆောင်သူ ပိဏ္ဍပါတ် ဓုတင်ဆောင်သူ အိမ်စဉ် မပြတ် ဆွမ်းရပ်သူ ပံသုကူ 'မြေမှုန့် ပြွမ်းသော သင်္ကန်း' ဆောင်သူ ခေါင်းပါးသော သင်္ကန်းကို ဆောင်သူ ဖြစ်စေကာမူ ထိုရဟန်းကို သီတင်း သုံးဖော်တို့သည် မရိုသေကြကုန်၊ မလေးစားကြကုန်၊ မမြတ်နိုးကြကုန်၊ မပူဇော်ကြကုန်။

ထိုသို့ဖြစ်ခြင်းသည် အဘယ့်ကြောင့်နည်း...

ထိုအသျှင်အား ယုတ်ညံ့ ဆိုးရွား အကုသိုလ်တရား ဖြစ်ကုန်သော အလိုဆိုးကြောင့် ဖြစ်သည့် (ကောပ, အပ္ပစ္စယ) တရားတို့ကို မပယ်ရသေးသည်ကို မြင်လည်း မြင်ကြရ ကြားလည်း ကြားကြရသောကြောင့်ပေတည်း။

ငါ့သျှင် ဥပမာသော်ကား ဈေးမှဖြစ်စေ၊ ပန်းတဉ်းသမားအိမ်မှ ဖြစ်စေ စင်ကြယ် ဖြူဖွေးသော ကြေးခွက်ကို ဆောင်ယူခဲ့ရာ၏၊ ထိုကြေးခွက်၌ ပိုင်ရှင်တို့သည် မြွေကောင်ပုပ်ကို ဖြစ်စေ၊ ခွေးကောင်ပုပ်ကို ဖြစ်စေ၊ လူကောင်ပုပ်ကို ဖြစ်စေ ပြည့်အောင် ထည့်၍ အခြားကြေးခွက်ဖြင့် ဖုံးပိတ်ကာ ဈေးတွင်းသို့ သွားကြရာ၏၊ လူအပေါင်းသည် ထိုကြေးခွက်ကို တွေ့မြင်သော် ''အချင်း အဘယ့်ကြောင့် ဤအရာကို သာလျှင် ကောင်းနိုးရာရာ လက်ဆောင်ကဲ့သို့ ယူဆောင်လာ သနည်း'' ဟု ပြောဆိုပြီးလျှင် ထို ခွက်ကို ထ၍ ဖွင့်လှစ် ကြည့်ရှုရာ၏၊

ထိုအကောင်ပုပ်ကို မြင်သည်နှင့် တစ်ပြိုင်နက် ထိုလူအပေါင်းမှာ မနှစ်မြို့စိတ် ရွံရှာစိတ် စက်ဆုပ်စိတ်သည် ဖြစ်လေရာ၏၊ ဆာလောင်နေသူတို့ပင် မစားချင်ရာ၊ အစာဝနေသူ တို့ကား ပြောဖွယ်ရာ မရှိ။ ငါ့သျှင် ဤဥပမာအတူပင် တစ်စုံ တစ်ယောက်သော ရဟန်းအား ယုတ်ညံ့ ဆိုးရွား အကုသိုလ်တရား ဖြစ်ကုန်သော အလိုဆိုးကြောင့် ဖြစ်သည့် (ကောပ, အပ္ပစ္စယ) တရားတို့ကို မပယ်ရသေးသည်ကို မြင်လည်း မြင်ရကုန်အံ့၊ ကြားလည်း ကြားရကုန်အံ့၊ ထိုရဟန်းသည် အကယ်၍ တောစွန် တောင်ဖျား၌ ဖြစ်သော ကျောင်းများ၌ နေ၍ အရညကင် ဓုတင်ဆောင်သူ ပိဏ္ဍပါတ် ဓုတင်ဆောင်သူ အိမ်စဉ်မပြတ် ဆွမ်းရပ်သူ ပံသုကူ 'မြေမှုန့် ပြွမ်းသောသင်္ကန်း' ဆောင်သူ ခေါင်းပါးသော သင်္ကန်းကို ဆောင်သူ ဖြစ်စေကာမူ ထိုရဟန်းကို သီတင်း သုံးဖော်တို့သည် မရိုသေကြကုန်၊ မလေးစားကြကုန်၊ မမြတ်နိုးကြကုန်၊ မပူဇော်ကြကုန်။ ထိုသို့ ဖြစ်ခြင်းသည် အဘယ့်ကြောင့်နည်း၊

ထိုအသျှင်အား ယုတ်ညံ့ဆိုးရွား အကုသိုလ်တရား ဖြစ်ကုန်သော အလိုဆိုးကြောင့် ဖြစ်သည့် (ကောပ, အပ္ပစ္စယ) တရားတို့ကို မပယ်ရသေးသည်ကို မြင်လည်း မြင်ကြရ ကြားလည်း ကြားကြရသောကြောင့်ပေတည်း။ 61

၅ - အနင်္ဂဏသုတ်၊ မှ၊ မူလပရိယာယ၀ဂ်၊ မူလပဏ္ဏာသပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

အညစ်အကြေး ဟူသော အမည်သည်...

အနင်္ဂဏသုတ် မှ... (ကိလေသာကင်းသော၊ အပြစ်မရှိသော)

ငါ့သျှင် အညစ်အကြေး အညစ်အကြေး 'အင်္ဂဏ အင်္ဂဏ' ဟု ဆို၏။
ယင်း အညစ်အကြေး ဟူသော အမည်သည် အဘယ်တရား၏ အမည်ပေနည်း။

ငါ့သျှင် ယင်းအညစ်အကြေး ဟူသော အမည်သည် ယုတ်ညံ့ဆိုးရွား အကုသိုလ်တရား ဖြစ်ကုန်သော အလိုဆိုးကြောင့် ဖြစ်သည့် (ကောပ, အပ္ပစ္စယ) တရားတို့၏ အမည်တည်း။

ငါ့သျှင် ဤသာသနာတော်၌ အချို့သော ရဟန်းအား...
''ငါသည် အာပတ်သင့်ခဲ့ ငြားအံ့၊ ငါ့ကို အာပတ်သင့်သည် ဟူ၍ ရဟန်းများ မသိကြပါမူ ကောင်းလေစွ'' ဟု အလိုဖြစ်ရာသော အကြောင်းသည် ရှိပေ၏။ သို့ရာတွင် ထိုရဟန်းကို ''ရဟန်းတို့က အာပတ်သင့်သည်'' ဟု သိကြရာသော အကြောင်းလည်း ရှိပေ၏။ ထိုရဟန်းသည် ''ငါ့ကို အာပတ်သင့်သည် ဟု ရဟန်းတို့က သိကြကုန်၏'' ဟူ၍ အမျက်ထွက်၏၊ မနှစ်သက်။ ငါ့သျှင် အမျက်ထွက်ခြင်း 'ကောပ' မနှစ်သက်ခြင်း 'အပ္ပစ္စယ' ဟူသော ဤနှစ်မျိုးလုံးသည် အညစ်အကြေး 'အင်္ဂဏ'မည်၏။

ငါ့သျှင် ဤသာသနာတော်၌ အချို့သော ရဟန်းအား...
''ငါသည် အာပတ်သင့်ခဲ့ ငြားအံ့၊ ရဟန်းတို့သည် ငါ့ကို ဆိတ်ကွယ်ရာ၌ စောဒနာကြ၍ သံဃာ့ အလယ်၌ မစောဒနာကြပါမူ ကောင်းလေစွ'' ဟု အလိုဖြစ်ရာသော အကြောင်းသည် ရှိပေ၏။ သို့ရာတွင် ထိုရဟန်းကို ရဟန်းတို့သည် သံဃာ့ အလယ်၌ စောဒနာကြ၍ ဆိတ်ကွယ်ရာ၌ မစောဒနာကြရာသော အကြောင်းသည် ရှိပေ၏။ ထိုရဟန်းသည် ''ရဟန်းတို့က ငါ့ကို သံဃာ့ အလယ်၌ စောဒနာကြ၍ ဆိတ်ကွယ်ရာ၌ မစောဒနာ ကြကုန်'' ဟူ၍ အမျက်ထွက်၏၊ မနှစ်သက်။ ငါ့သျှင် အမျက်ထွက်ခြင်း 'ကောပ', မနှစ်သက်ခြင်း 'အပ္ပစ္စယ' ဟူသော ဤနှစ်မျိုးလုံးသည် အညစ်အကြေး မည်၏။

ငါ့သျှင် ဤသာသနာတော်၌ အချို့သော ရဟန်းအား...
''ငါသည် အာပတ်သင့်ခဲ့ ငြားအံ့၊ ငါ့ကို အာပတ်ရှိခြင်း တူသော ပုဂ္ဂိုလ်က စောဒနာ၍ အာပတ်ရှိခြင်း မတူသော ပုဂ္ဂိုလ်က မစောဒနာပါမူ ကောင်းလေစွ'' ဟု အလိုဖြစ်ရာသော အကြောင်းသည် ရှိပေ၏။ သို့ရာတွင် ထိုရဟန်းကို အာပတ်ရှိခြင်း မတူသော ပုဂ္ဂိုလ်က စောဒနာ၍ အာပတ်ရှိခြင်း တူသော ပုဂ္ဂိုလ်က မစောဒနာရာသော ဤအကြောင်းသည် ရှိပေ၏။ ထိုရဟန်းသည် ''ငါ့ကို အာပတ်ရှိခြင်း မတူသော ပုဂ္ဂိုလ်က စောဒနာ၍ အာပတ်ရှိခြင်း တူသော ပုဂ္ဂိုလ်က မစောဒနာ'' ဟူ၍ အမျက်ထွက်၏၊ မနှစ်သက်။ ငါ့သျှင် အမျက်ထွက်ခြင်း 'ကောပ' မနှစ်သက်ခြင်း 'အပ္ပစ္စယ' ဟူသော ဤနှစ်မျိုးလုံးသည် အညစ်အကြေး မည်၏။

ငါ့သျှင် ဤသာသနာတော်၌ အချို့သော ရဟန်းအား...
''မြတ်စွာဘုရားသည် ငါ့ကိုသာ မေး၍ မေး၍ ရဟန်းတို့အား တရား ဟောကြားလျက် အခြားရဟန်းကို မေး၍ မေး၍ ရဟန်းတို့အား တရား မဟောကြားပါမူ ကောင်းလေစွ'' ဟု အလိုဖြစ်ရာသော အကြောင်းသည် ရှိပေ၏။ သို့ရာတွင် မြတ်စွာ ဘုရားသည် အခြားရဟန်းကို မေး၍ မေး၍ ရဟန်းတို့အား တရားကို ဟောကြားလျက် ထိုရဟန်းကို မေး၍ မေး၍ ရဟန်းတို့အား တရားကို မဟောကြားရာသော ဤအကြောင်းသည် ရှိပေ၏။ ထိုရဟန်းသည် ''မြတ်စွာဘုရားက အခြားရဟန်းကို မေး၍ မေး၍ ရဟန်းတို့အား တရားကို ဟောကြားလျက် ငါ့ကို မေး၍ မေး၍ ရဟန်းတို့အား တရားကိုမဟောကြား'' ဟူ၍ အမျက်ထွက်၏၊ မနှစ်သက်။ ငါ့သျှင် အမျက်ထွက်ခြင်း 'ကောပ' မနှစ်သက်ခြင်း 'အပ္ပစ္စယ' ဟူသော ဤနှစ်မျိုးလုံးသည် အညစ်အကြေး မည်၏။

ငါ့သျှင် ဤသာသနာတော်၌ အချို့သော ရဟန်းအား...
''ရဟန်းတို့သည် ငါ့ကို သာလျှင် ရှေ့ထား၍ ရှေ့ထား၍ ရွာသို့ ဆွမ်းခံဝင်ကြလျက် အခြားရဟန်းကို ရှေ့ထား၍ ရှေ့ထား၍ ရွာသို့ ဆွမ်းခံ မဝင်ကြပါမူ ကောင်းလေစွ'' ဟု အလိုဖြစ်ရာသော ဤအကြောင်းသည် ရှိပေ၏။ သို့ရာတွင် ရဟန်းတို့သည် အခြားရဟန်းကို ရှေ့ထား၍ ရှေ့ထား၍ ရွာသို့ ဆွမ်းခံဝင် ကြလျက် ထိုရဟန်းကို ရှေ့ထား၍ ရှေ့ထား၍ ရွာသို့ ဆွမ်းခံမဝင်ကြရာသော အကြောင်းသည် ရှိပေ၏။ ထိုရဟန်းသည် ''ရဟန်းတို့က အခြားရဟန်းကို ရှေ့ထား၍ ရှေ့ထား၍ ရွာသို့ ဆွမ်းခံ ဝင်ကြလျက် ငါ့ကို ရှေ့ထား၍ ရှေ့ထား၍ ရွာသို့ ဆွမ်းခံ မဝင်ကြကုန်'' ဟူ၍ အမျက်ထွက်၏၊ မနှစ်သက်။ ငါ့သျှင် အမျက်ထွက်ခြင်း 'ကောပ' မနှစ်သက်ခြင်း 'အပ္ပစ္စယ' ဟူသော ဤနှစ်မျိုးလုံးသည် အညစ်အကြေး မည်၏။

ငါ့သျှင် ဤသာသနာတော်၌ အချို့သော ရဟန်းအား...
''ငါသည် သာလျှင် ဆွမ်းစားရာ ဌာန၌ နေရာဦး ရေဦး ဆွမ်းဦးကို ရ၍ အခြားရဟန်းသည် ဆွမ်းစားရာ၌ နေရာဦး ရေဦး ဆွမ်းဦးကို မရပါမူ ကောင်းလေစွ'' ဟု အလိုဖြစ်ရာသော အကြောင်းသည် ရှိပေ၏။ သို့ရာတွင် အခြားရဟန်းသည် ဆွမ်းစားရာဌာန၌ နေရာဦး ရေဦး ဆွမ်းဦးကို ရ၍ ထိုရဟန်းသည် ဆွမ်းစားရာ ဌာန၌ နေရာဦး ရေဦးဆွမ်းဦးကို မရရာသော ဤအကြောင်းသည် ရှိပေ၏။ ထိုရဟန်းသည် ''အခြားရဟန်းက ဆွမ်းစားရာ ဌာန၌ နေရာဦး ရေဦး ဆွမ်းဦးကိုရ၍ ငါသည် ဆွမ်းစားရာ ဌာန၌ နေရာဦး ရေဦး ဆွမ်းဦးကို မရ'' ဟူ၍ အမျက်ထွက်၏၊ မနှစ်သက်။ ငါ့သျှင် အမျက်ထွက်ခြင်း 'ကောပ' မနှစ်သက်ခြင်း 'အပ္ပစ္စယ' ဟူသော ဤနှစ်မျိုးလုံးသည် အညစ်အကြေး မည်၏။

ငါ့သျှင် ဤသာသနာတော်၌ အချို့သော ရဟန်းအား...
''ငါသည် သာလျှင် ဆွမ်းစားရာ ဌာန၌ ဆွမ်းစားပြီးသော် အနုမောဒနာပြု၍ အခြားရဟန်းသည် ဆွမ်းစားရာ ဌာန၌ ဆွမ်းစား ပြီးသော် အနုမောဒနာ မပြုရမူ ကောင်းလေစွ'' ဟု အလို ဖြစ်ရာသော အကြောင်းသည် ရှိပေ၏။ သို့ရာတွင် အခြားရဟန်းသည် ဆွမ်းစားရာ ဌာန၌ ဆွမ်းစားပြီးသော် အနုမောဒနာ ပြုရ၍ ထိုရဟန်းသည် ဆွမ်းစားရာ ဌာန၌ ဆွမ်းစားပြီးသော် အနုမောဒနာ မပြုရာသော ဤအကြောင်းသည် ရှိပေ၏။ ထို ရဟန်းသည် ''အခြားရဟန်းသည် ဆွမ်းစားရာ ဌာန၌ ဆွမ်းစားပြီးသော် အနုမောဒနာ ပြု၍ ငါသည် ဆွမ်းစားရာ ဌာန၌ ဆွမ်းစားပြီးသော် အနုမောဒနာ မပြုရ'' ဟူ၍ အမျက်ထွက်၏၊ မနှစ်သက်။ ငါ့သျှင် အမျက်ထွက်ခြင်း 'ကောပ' မနှစ်သက်ခြင်း 'အပ္ပစ္စယ' ဟူသော ဤနှစ်မျိုးလုံးသည် အညစ်အကြေး မည်၏။

ငါ့သျှင် ဤသာသနာတော်၌ အချို့သော ရဟန်းအား...
''ငါသည် သာလျှင် အရံတွင်းသို့ လာရောက်သော ရဟန်းတို့အား တရားဟော၍ အခြားရဟန်းသည် အရံတွင်းသို့ လာရောက်သော ရဟန်းတို့အား တရား မဟောကြမူ ကောင်းလေစွ'' ဟု အလိုဖြစ်ရာသော အကြောင်းသည် ရှိပေ၏။ သို့ရာတွင် အခြား ရဟန်းသည် အရံတွင်းသို့ လာရောက်သော ရဟန်းတို့အား တရား ဟောရ၍ ထိုရဟန်းသည် အရံတွင်းသို့ လာရောက်သော ရဟန်းတို့အား တရား မဟောရရာသော အကြောင်းသည် ရှိပေ၏။ ထိုရဟန်းသည် ''အခြားရဟန်းက အရံတွင်းသို့ လာရောက်သော ရဟန်းတို့အား တရား ဟောရ၍ ငါသည် အရံတွင်းသို့ လာရောက်သော ရဟန်းတို့အား တရား မဟောရ'' ဟူ၍ အမျက်ထွက်၏၊ မနှစ်သက်။ ငါ့သျှင် အမျက်ထွက်ခြင်း 'ကောပ' မနှစ်သက်ခြင်း 'အပ္ပစ္စယ'ဟူသော ဤနှစ်မျိုးလုံး သည် အညစ်အကြေး မည်၏။

ငါ့သျှင် ဤသာသနာတော်၌ အချို့သော ရဟန်းအား...
''ငါသည်သာလျှင် အရံတွင်းသို့ လာရောက်သော ရဟန်းမိန်းမတို့အား တရားဟော၍။ပ။ ဥပါသကာတို့အား တရားဟော၍။ပ။ ဥပါသိကာမတို့အား တရားဟော၍ အခြားရဟန်း သည် အရံတွင်းသို့ လာရောက်သော ဥပါသိကာမတို့အား တရား မဟောရမူ ကောင်းလေစွ'' ဟု အလိုဖြစ်ရာသော အကြောင်းသည် ရှိပေ၏။ သို့ရာတွင် အခြားရဟန်းသည် အရံတွင်းသို့ လာရောက်သော ဥပါသိကာမတို့အား တရား ဟောရ၍ ထိုရဟန်းသည် အရံတွင်းသို့ လာရောက်သော ဥပါသိကာမတို့အား တရား မဟောရရာသော အကြောင်းသည် ရှိပေ၏။ ထိုရဟန်းသည် ''အခြားရဟန်းက အရံတွင်းသို့ လာရောက်သော ဥပါသိကာမတို့အား တရား ဟောရ၍ ငါသည် အရံတွင်းသို့ လာရောက်သော ဥပါသိကာမတို့အား တရား မဟောရ'' ဟူ၍ အမျက်ထွက်၏၊ မနှစ်သက်။ ငါ့သျှင် အမျက်ထွက်ခြင်း 'ကောပ' မနှစ်သက်ခြင်း 'အပ္ပစ္စယ'ဟူသော ဤနှစ်မျိုးလုံးသည် အညစ်အကြေး မည်၏။

ငါ့သျှင် ဤသာသနာတော်၌ အချို့သော ရဟန်းအား...
''ရဟန်းတို့သည် ငါ့ကို သာလျှင် ရိုသေလေးစား မြတ်နိုး ပူဇော်ကြ၍ အခြားရဟန်းကို မရိုသေ မလေးစား မမြတ်နိုး မပူဇော်ကြပါမူ ကောင်းလေစွ'' ဟု အလိုဖြစ်ရာသော အကြောင်းသည် ရှိပေ၏။ သို့ရာတွင် ရဟန်းတို့သည် အခြားရဟန်းကို ရိုသေ လေးစား မြတ်နိုး ပူဇော်ကြ၍ ထိုရဟန်းကို မရိုသေ မလေးစား မမြတ်နိုး မပူဇော်ကြကုန်ရာသော အကြောင်းသည် ရှိပေ၏။ ထိုရဟန်းသည် ''ရဟန်းတို့က အခြားရဟန်းကို ရိုသေ လေးစား မြတ်နိုးပူဇော်ကြ၍ ငါ့ကို မရိုသေ မလေးစား မမြတ်နိုး မပူဇော်ကြကုန်'' ဟူ၍ အမျက်ထွက်၏၊ မနှစ်သက်။ ငါ့သျှင် အမျက်ထွက်ခြင်း 'ကောပ' မနှစ်သက်ခြင်း 'အပ္ပစ္စယ' ဟူသော ဤနှစ်မျိုးလုံးသည် အညစ် အကြေး မည်၏။

ငါ့သျှင် ဤသာသနာတော်၌ အချို့သော ရဟန်းအား...
''ရဟန်းမိန်းမ တို့သည် ငါ့ကိုသာလျှင်။ပ။ ဥပါသကာ တို့သည်။ပ။ ဥပါသိကာမ တို့သည် (ငါ့ကိုသာလျှင်) ရိုသေ လေးစား မြတ်နိုး ပူဇော်ကြ၍ အခြားရဟန်းကို မရိုသေ မလေးစား မမြတ်နိုး မပူဇော်ကြပါမူ ကောင်းလေစွ'' ဟု အလိုဖြစ်ရာသော အကြောင်းသည် ရှိပေ၏။ သို့ရာတွင် ဥပါသိကာမတို့သည် အခြားရဟန်းကို ရိုသေလေးစား မြတ်နိုးပူဇော်ကြ၍ ထိုရဟန်းကို မရိုသေ မလေးစား မမြတ်နိုး မပူဇော်ကြရာသော အကြောင်းသည် ရှိပေ၏။ ထိုရဟန်းသည် ''ဥပါသိကာမတို့က အခြားရဟန်းကို ရိုသေ လေးစား မြတ်နိုး ပူဇော်ကြ၍ ငါ့ကို မရိုသေ မလေးစား မမြတ်နိုး မပူဇော်ကြကုန်'' ဟူ၍ အမျက်ထွက်၏၊ မနှစ်သက်။ ငါ့သျှင် အမျက်ထွက်ခြင်း 'ကောပ' မနှစ် သက်ခြင်း 'အပ္ပစ္စယ' ဟူသော ဤနှစ်မျိုးလုံးသည် အညစ်အကြေး မည်၏။

ငါ့သျှင် ဤသာသနာတော်၌ အချို့သော ရဟန်းအား...
''ငါသည် သာလျှင် မွန်မြတ်သော သင်္ကန်းတို့ကို ရသူ ဖြစ်၍ အခြားရဟန်းသည် မွန်မြတ်သော သင်္ကန်းတို့ကို ရသူမဖြစ်ပါမူ ကောင်းလေစွ''ဟု အလိုဖြစ်ရာသော အကြောင်းသည် ရှိပေ၏။ သို့ရာတွင် အခြားရဟန်းသည် မွန်မြတ်သော သင်္ကန်းတို့ကို ရသူ ဖြစ်၍ ထိုရဟန်းသည် မွန်မြတ်သော သင်္ကန်းတို့ကို ရသူ မဟုတ်ရာသော ဤအကြောင်းသည် ရှိပေ၏။ ထိုရဟန်းသည် ''အခြားရဟန်းက မွန်မြတ်သော သင်္ကန်းတို့ကို ရသူဖြစ်၍ ငါသည် မွန်မြတ်သော သင်္ကန်းတို့ကို ရသူ မဟုတ်ပလေ'' ဟူ၍ အမျက်ထွက်၏၊ မနှစ်သက်။ ငါ့သျှင် အမျက်ထွက်ခြင်း 'ကောပ'မနှစ်သက်ခြင်း 'အပ္ပစ္စယ'ဟူသော ဤနှစ်မျိုးလုံးသည် အညစ်အကြေး မည်၏။

ငါ့သျှင် ဤသာသနာတော်၌ အချို့သော ရဟန်းအား...
''ငါသည်သာလျှင် မွန်မြတ်သော ဆွမ်းတို့ကို။ ပ။ မွန်မြတ်သော (ကျောင်း) အိပ်ရာ နေရာတို့ကို။ပ။ မွန်မြတ်သော သူနာ၏ အထောက်အပံ့ (အသက်၏) အရံအတား အဆောက်အဦ ဖြစ်သော ဆေးတို့ကို ရသူဖြစ်၍ အခြားရဟန်းသည် မွန်မြတ်သော သူနာ၏ အထောက်အပံ့ (အသက်၏) အရံအတား အဆောက်အဦ ဖြစ်သော ဆေးတို့ကို ရသူ မဟုတ်ပါမူ ကောင်းလေစွ'' ဟု အလိုဖြစ်ရာသော အကြောင်းသည် ရှိပေ၏။ သို့ရာတွင် အခြားရဟန်းသည် မွန်မြတ်သော သူနာ၏ အထောက်အပံ့ (အသက်၏) အရံအတား အဆောက်အဦ ဖြစ်သော ဆေးတို့ကိုရသူ ဖြစ်၍ ထိုရဟန်းသည် မွန်မြတ်သော သူနာ၏ အထောက်အပံ့ (အသက်၏) အရံအတား အဆောက်အဦ ဖြစ်သော ဆေးတို့ကို ရသူ မဟုတ်ရာသော အကြောင်းသည် ရှိပေ၏။ ထိုရဟန်းသည် အခြားရဟန်းက မွန်မြတ်သော သူနာ၏ အထောက်အပံ့ (အသက်၏) အရံအတား အဆောက်အဦ ဖြစ်သော ဆေးတို့ကို ရသူဖြစ်၍ ငါသည် သူနာ၏ အထောက်အပံ့ (အသက်၏) အရံအတား အဆောက်အဦ ဖြစ်သော ဆေးတို့ကို ရသူ မဟုတ်ပလေ'' ဟူ၍ အမျက်ထွက်၏၊ မနှစ်သက်။ ငါ့သျှင် အမျက်ထွက်ခြင်း 'ကောပ' မနှစ်သက်ခြင်း 'အပ္ပစ္စယ' ဟူသော ဤနှစ်မျိုးလုံးသည် အညစ်အကြေး မည်၏။

ငါ့သျှင် ဤအညစ်အကြေး ဟူသော အမည်သည် ယုတ်ညံ့ ဆိုးရွား အကုသိုလ် တရား ဖြစ်ကုန်သော အလိုဆိုးကြောင့် ဖြစ်သည့် (ကောပ, အပ္ပစ္စယ) တရားတို့၏ အမည်ပေတည်း။ 60

၅ - အနင်္ဂဏသုတ်၊ မှ၊ မူလပရိယာယ၀ဂ်၊ မူလပဏ္ဏာသပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

ယုတ်ညံ့သောပုဂ္ဂိုလ် မြင့်မြတ်သောပုဂ္ဂိုလ်ဟု ခေါ်ဆိုရခြင်း...

အနင်္ဂဏသုတ် မှ... (ကိလေသာကင်းသော၊ အပြစ်မရှိသော)


အသျှင် မဟာမောဂ္ဂလာန်သည် အသျှင် သာရိပုတြာကိုဤသို့ မေးမြန်းတော်မူ၏ -

''ငါ့သျှင် သာရိပုတြာ ဤကိလေသာ အညစ်အကြေး ရှိသော ပုဂ္ဂိုလ် နှစ်မျိုးတို့တွင် တစ်မျိုးကို ယုတ်ညံ့သော ပုဂ္ဂိုလ်ဟု ခေါ်ဆိုရ၍ တစ်မျိုးကို မြင့်မြတ်သော ပုဂ္ဂိုလ်ဟု ခေါ်ဆိုရခြင်း၏ အကြောင်း အထောက်အပံ့ကား အဘယ်ပါနည်း။ 58

ငါ့သျှင် ထို ပုဂ္ဂိုလ်နှစ်မျိုးတို့တွင် ကိလေသာ အညစ်အကြေး ရှိလျက် ''ငါ၏ စိတ်သန္တာန်၌ ကိလေသာ အညစ်အကြေး ရှိ၏'' ဟု ဟုတ်တိုင်းမှန်စွာ မသိသော ပုဂ္ဂိုလ်သည် ထိုကိလေသာ အညစ်အကြေးကို ပယ်ရန် အလိုဆန္ဒကို ဖြစ်စေလိမ့်မည် မဟုတ်၊ အားထုတ် လိမ့်မည် မဟုတ်၊ လုံ့လစွမ်းကို ကြိုးပမ်း လိမ့်မည် မဟုတ်။ ထိုပုဂ္ဂိုလ်သည် တပ်မက်ခြင်း 'ရာဂ' ရှိသူ ပြစ်မှားခြင်း 'ဒေါသ' ရှိသူ တွေဝေခြင်း 'မောဟ' ရှိသူ ကိလေသာ အညစ်အကြေးတို့နှင့်တကွ ညစ်နွမ်းသောစိတ် ရှိသူ ဖြစ်လျက် သေလွန်ရ လတ္တံ့၊ ထိုပုဂ္ဂိုလ် အား ဤသဘောသာ ဧကန် ဖြစ်ရမည်။

ငါ့သျှင် ဥပမာသော်ကား ဈေးမှဖြစ်စေ၊ ပန်းတဉ်းသမား အိမ်မှဖြစ်စေ၊ မြူမှုန့် အညစ်အကြေးဖြင့် မြှေးယှက် ဖုံးလွှမ်းနေသော ကြေးခွက်ကို ဆောင်ယူခဲ့ရာ၏၊ ထိုကြေးခွက်ကို ပိုင်ရှင်တို့သည် သုံးလည်း မသုံးဆောင်ကုန် ငြားအံ့၊ စင်ကြယ်အောင်လည်း မသုတ်သင် ကုန်ငြားအံ့၊ မြူမှုန့် ရှိရာ၌လည်း ထိုကြေးခွက်ကို ထားကုန်ငြားအံ့၊ ငါ့သျှင် ထိုကြေးခွက်သည် နောင်အခါ၌ သာလွန် ညစ်ပေကာ အညစ်အကြေး တက်ရာသည် မဟုတ်လောဟု မေးတော်မူ၏။

ငါ့သျှင် မှန်ပါပေ၏ဟု လျှောက်၏။

ငါ့သျှင် ဤဥပမာအတူပင် ကိလေသာအညစ်အကြေးရှိလျက် ''ငါ၏ စိတ်သန္တာန်၌ ကိလေသာ အညစ်အကြေး ရှိ၏'' ဟု ဟုတ်တိုင်းမှန်စွာ မသိသော ပုဂ္ဂိုလ်သည် ထိုကိလေသာ အညစ်အကြေးကိုပယ်ရန် အလိုဆန္ဒကို ဖြစ်စေလိမ့်မည် မဟုတ်၊ အားထုတ်လိမ့်မည် မဟုတ်၊ လုံ့လစွမ်းကို ကြိုးပမ်းလိမ့်မည် မဟုတ်၊ ထိုပုဂ္ဂိုလ်သည် တပ်မက်ခြင်း 'ရာဂ' ရှိသူ ပြစ်မှားခြင်း 'ဒေါသ' ရှိသူ တွေဝေခြင်း 'မောဟ' ရှိသူ ကိလေသာ အညစ်အကြေးတို့နှင့်တကွ ညစ်နွမ်းသောစိတ် ရှိသူ ဖြစ်လျက် သေလွန်ရ လတ္တံ့၊ ထိုပုဂ္ဂိုလ်အား ဤသဘောသာ ဧကန် ဖြစ်ရမည်။

ငါ့သျှင် ထိုပုဂ္ဂိုလ်နှစ်မျိုးတို့တွင် ကိလေသာ အညစ်အကြေး ရှိလျက် ''ငါ၏ စိတ်သန္တာန်၌ ကိလေသာ အညစ်အကြေး ရှိ၏'' ဟု ဟုတ်တိုင်းမှန်စွာ သိသော ပုဂ္ဂိုလ်သည် ထိုကိလေသာ အညစ်အကြေးကို ပယ်ရန် အလိုဆန္ဒကို ဖြစ်စေလိမ့်မည်၊ အားထုတ်လိမ့်မည်၊ လုံ့လစွမ်းကို ကြိုးပမ်း လိမ့်မည်၊ ထိုပုဂ္ဂိုလ်သည် တပ်မက်ခြင်း 'ရာဂ' မရှိဘဲ ပြစ်မှားခြင်း 'ဒေါသ' မရှိဘဲ တွေဝေခြင်း 'မောဟ' မရှိဘဲ ကိလေသာ အညစ်အကြေး မရှိဘဲ ညစ်နွမ်းသော စိတ်မရှိဘဲ သေလွန်ရ လတ္တံ့၊ ထိုပုဂ္ဂိုလ်အား ဤ သဘောသာ ဧကန် ဖြစ်ရမည်။

ငါ့သျှင် ဥပမာသော်ကား ဈေးမှဖြစ်စေ၊ ပန်းတဉ်းသမား အိမ်မှဖြစ်စေ၊ မြူမှုန့် အညစ်အကြေးဖြင့် မြှေးယှက် ဖုံးလွှမ်းနေသော ကြေးခွက်ကို ဆောင်ယူခဲ့ရဲာ၏၊ ထိုကြေးခွက်ကို ပိုင်ရှင်တို့သည် သုံးလည်း သုံးဆောင် ကုန်ငြားအံ့၊ စင်ကြယ် အောင်လည်း သုတ်သင် ကြကုန် ငြားအံ့၊ မြူမှုန် ရှိရာ၌လည်း ထိုကြေးခွက်ကို မထားကုန်ငြားအံ့၊ ငါ့သျှင် ထိုကြေးခွက်သည် နောင်အခါ၌ သာလွန် စင်ကြယ်ကာ ဖြူဖွေးရာသည် မဟုတ်လော ဟု မေးတော်မူ၏။

ငါ့သျှင် မှန်ပါပေ၏ ဟု လျှောက်၏။

ငါ့သျှင် ဤဥပမာအတူပင် ကိလေသာ အညစ်အကြေး ရှိလျက် ''ငါ၏ စိတ်သန္တာန်၌ ကိလေသာ အညစ်အကြေး ရှိ၏'' ဟု ဟုတ်တိုင်းမှန်စွာ သိသော ပုဂ္ဂိုလ်သည် ထိုကိလေသာ အညစ်အကြေးကို ပယ်ရန် အလိုဆန္ဒကို ဖြစ်စေလတ္တံ့၊ အားထုတ် လတ္တံ့၊ လုံ့လစွမ်းကို ကြိုးပမ်းလတ္တံ့၊ ထိုပုဂ္ဂိုလ်သည် တပ်မက်ခြင်း 'ရာဂ' မရှိဘဲ ကြမ်းတမ်း ပြစ်မှားခြင်း 'ဒေါသ' မရှိဘဲ တွေဝေခြင်း 'မောဟ' မရှိဘဲ ကိလေသာ အညစ်အကြေး မရှိဘဲ ညစ်နွမ်းသော စိတ်မရှိဘဲ သေလွန်ရ လတ္တံ့၊ ထိုပုဂ္ဂိုလ်အား ဤသဘောသာ ဧကန် ဖြစ်ရမည်။

ငါ့သျှင် ထို ပုဂ္ဂိုလ်နှစ်မျိုးတို့တွင် ကိလေသာ အညစ်အကြေး မရှိသည် ဖြစ်လျက် ''ငါ၏ စိတ် သန္တာန်၌ ကိလေသာ အညစ်အကြေး မရှိ'' ဟု ဟုတ်တိုင်းမှန်စွာ မသိသော ပုဂ္ဂိုလ်သည် တင့်တယ်သော အာရုံ 'သုဘနိမိတ်'ကို နှလုံးသွင်း လတ္တံ့၊ တင့်တယ်သော အာရုံကို နှလုံး သွင်းခြင်း ကြောင့် ထိုပုဂ္ဂိုလ်၏စိတ်ကို တပ်မက်ခြင်း 'ရာဂ' သည် လွှမ်းမိုးဖျက်ဆီး လတ္တံ့၊ ထိုပုဂ္ဂိုလ်သည် တပ်မက်ခြင်း 'ရာဂ' ရှိသူ ပြစ်မှားခြင်း 'ဒေါသ' ရှိသူ တွေဝေခြင်း 'မောဟ'ရှိသူ ကိလေသာ အညစ် အကြေးတို့နှင့်တကွ ညစ်နွမ်းသော စိတ်ရှိသူ ဖြစ်လျက် သေလွန်ရ လတ္တံ့၊ ထိုပုဂ္ဂိုလ်အား ဤသဘောသာ ဧကန် ဖြစ်ရမည်။

ငါ့သျှင် ဥပမာသော်ကား ဈေးမှဖြစ်စေ၊ ပန်းတဉ်းသမားအိမ်မှ ဖြစ်စေ၊ စင်ကြယ် ဖြူဖွေးသော ကြေးခွက်ကို ဆောင်ယူခဲ့ရာ၏၊ ထိုကြေးခွက်ကို ပိုင်ရှင်တို့သည် သုံးလည်း မသုံးဆောင် ကုန်ငြားအံ့၊ စင်ကြယ်အောင်လည်း မသုတ်သင် ကုန်ငြားအံ့၊ မြူမှုန့် ရှိရာ၌လည်း ထိုကြေးခွက်ကို ထားကုန်ငြားအံ့၊ ငါ့သျှင် ထိုကြေးခွက်သည် နောင်အခါ၌ သာလွန် ညစ်ပေကာ အညစ်အကြေး တက်ရာသည် မဟုတ် လော ဟုမေးတော်မူ၏။

ငါ့သျှင် မှန်ပါပေ၏ ဟု လျှောက်၏။

ငါ့သျှင် ဤဥပမာ အတူပင် ကိလေသာ အညစ်အကြေး မရှိသည် ဖြစ်လျက် ''ငါ၏ စိတ်သန္တာန်၌ ကိလေသာ အညစ်အကြေး မရှိ'' ဟု ဟုတ်တိုင်းမှန်စွာ မသိသော ပုဂ္ဂိုလ်သည် တင့်တယ်သော အာရုံ 'သုဘနိမိတ်' ကို နှလုံးသွင်း လတ္တံ့၊ တင့်တယ်သော အာရုံကို နှလုံးသွင်းခြင်းကြောင့် ထိုပုဂ္ဂိုလ်၏ စိတ်ကို တပ်မက်ခြင်း 'ရာဂ' သည် လွှမ်းမိုး ဖျက်ဆီး လတ္တံ့၊ ထိုပုဂ္ဂိုလ်သည် တပ်မက်ခြင်း 'ရာဂ' ရှိသူ ပြစ်မှားခြင်း 'ဒေါသ' ရှိသူ တွေဝေခြင်း 'မောဟ' ရှိသူ ကိလေသာ အညစ်အကြေးတို့နှင့်တကွ ညစ်နွမ်းသော စိတ်ရှိသူ ဖြစ်လျက် သေလွန်ရ လတ္တံ့၊ ထိုပုဂ္ဂိုလ်အား ဤသဘောသာ ဧကန်ဖြစ်ရမည်။

ငါ့သျှင် ထို ပုဂ္ဂိုလ်နှစ်မျိုးတို့တွင် ကိလေသာ အညစ်အကြေး မရှိသည် ဖြစ်လျက် ''ငါ၏ စိတ်သန္တာန်၌ ကိလေသာ အညစ်အကြေး မရှိ'' ဟု ဟုတ်တိုင်းမှန်စွာ သိသော ပုဂ္ဂိုလ်သည် တင့်တယ်သော အာရုံ 'သုဘနိမိတ်' ကို နှလုံး သွင်းလိမ့်မည် မဟုတ်၊ တင့်တယ်သော အာရုံကို နှလုံး မသွင်းခြင်းကြောင့် ထိုပုဂ္ဂိုလ်၏ စိတ်ကို တပ်မက်ခြင်း 'ရာဂ'သည် လမ်းမိုး ဖျက်ဆီးလိမ့်မည် မဟုတ်၊ ထိုပုဂ္ဂိုလ်သည် တပ်မက်ခြင်း 'ရာဂ' မရှိဘဲ ပြစ်မှားခြင်း 'ဒေါသ' မရှိဘဲ တွေဝေခြင်း 'မောဟ' မရှိဘဲ ကိလေသာ အညစ်အကြေး မရှိဘဲ ညစ်နွမ်းသော စိတ်မရှိဘဲ သေလွန်ရ လတ္တံ့၊ ထိုပုဂ္ဂိုလ်အား ဤသဘောသာ ဧကန်ဖြစ်ရမည်။

ငါ့သျှင် ဥပမာသော်ကား ဈေးမှဖြစ်စေ၊ ပန်းတဉ်းသမားအိမ်မှ ဖြစ်စေ၊ စင်ကြယ် ဖြူဖွေးသော ကြေးခွက်ကို ဆောင်ယူခဲ့ရာ၏၊ ထိုကြေးခွက်ကို ပိုင်ရှင်တို့သည် သုံးလည်း သုံးဆောင်ကုန် ငြားအံ့၊ စင်ကြယ်အောင်လည်း သုတ်သင်ကုန် ငြားအံ့၊ မြူမှုန့် ရှိရာ၌လည်း ထိုကြေးခွက်ကို မထားကုန် ငြားအံ့၊ ငါ့သျှင် ထိုကြေးခွက်သည် နောင်အခါ၌ သာလွန် စင်ကြယ်ကာ ဖြူဖွေးရာသည် မဟုတ်လော ဟု မေးတော်မူ၏။

ငါ့သျှင် မှန်ပါပေ၏ ဟု လျှောက်၏။

ငါ့သျှင် ဤဥပမာ အတူပင် ကိလေသာ အညစ်အကြေး မရှိသည် ဖြစ်လျက် ''ငါ၏ စိတ်သန္တာန်၌ ကိလေသာ အညစ်အကြေး မရှိ'' ဟု ဟုတ်တိုင်းမှန်စွာ သိသော ပုဂ္ဂိုလ်သည် တင့်တယ်သော အာရုံ 'သုဘနိမိတ်'ကို နှလုံး သွင်းလိမ့်မည်မဟုတ်၊ တင့်တယ်သော အာရုံကို နှလုံး မသွင်းခြင်းကြောင့် ထိုပုဂ္ဂိုလ်၏ စိတ်ကို တပ်မက်ခြင်း 'ရာဂ' သည် လွှမ်းမိုး ဖျက်ဆီးလိမ့်မည် မဟုတ်၊ ထိုပုဂ္ဂိုလ်သည် တပ်မက်ခြင်း 'ရာဂ' မရှိဘဲ ကြမ်းတမ်း ပြစ်မှားခြင်း 'ဒေါသ' မရှိဘဲ တွေဝေခြင်း 'မောဟ' မရှိဘဲ ကိလေသာ အညစ်အကြေး မရှိဘဲ ညစ်နွမ်းသော စိတ်မရှိဘဲ သေလွန်ရ လတ္တံ့၊ ထိုပုဂ္ဂိုလ်အား ဤသဘောသာ ဧကန် ဖြစ်ရမည်။

ငါ့သျှင် မောဂ္ဂလာန် ဤသည်လျှင် ကိလေသာ အညစ်အကြေး ရှိကြကုန်သော ပုဂ္ဂိုလ် နှစ်မျိုးတို့တွင် တစ်မျိုးကို ယုတ်ညံ့သော ပုဂ္ဂိုလ်ဟု ခေါ်ဆိုရ၍ တစ်မျိုးကို မြင့်မြတ်သော ပုဂ္ဂိုလ်ဟု ခေါ်ဆိုရခြင်း၏ အကြောင်း အထောက်အပံ့ ဖြစ်ပေ၏။

ငါ့သျှင်မောဂ္ဂလာန် ဤသည်လျှင် ကိလေသာ အညစ်အကြေး မရှိကြကုန်သော ပုဂ္ဂိုလ် နှစ်မျိုးတို့တွင် တစ်မျိုးကို ယုတ်ညံ့သော ပုဂ္ဂိုလ်ဟု ခေါ်ဆိုရ၍ တစ်မျိုးကို မြင့်မြတ်သော ပုဂ္ဂိုလ်ဟု ခေါ်ဆို ရခြင်း၏ အကြောင်း အထောက်အပံ့ ဖြစ်ပေ၏ ဟု မိန့်တော်မူ၏။ 59

၅ - အနင်္ဂဏသုတ်၊ မှ၊ မူလပရိယာယ၀ဂ်၊ မူလပဏ္ဏာသပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

လောက၌ ဤပုဂ္ဂိုလ်လေးမျိုး တို့သည် ထင်ရှား ရှိကြကုန်၏...

အနင်္ဂဏသုတ် မှ... (ကိလေသာကင်းသော၊ အပြစ်မရှိသော)

အကျွန်ုပ်သည် ဤသို့ ကြားနာခဲ့ရပါသည်အခါတစ်ပါး၌ မြတ်စွာဘုရားသည် သာဝတ္ထိပြည် အနာထပိဏ်သူဌေး၏ အရံဖြစ်သော ဇေတဝန် ကျောင်း၌ သီတင်းသုံး နေတော်မူ၏။ ထိုအခါ အသျှင်သာရိပုတြာသည် ရဟန်းတို့ကို ''ငါ့သျှင် ရဟန်းတို့'' ဟု ခေါ်တော်မူ၏။ ရဟန်းတို့သည် အသျှင်သာရိပုတြာအား ''ငါ့သျှင်'' ဟု ပြန်ကြား လျှောက်ထားကြ ကုန်၏။ အသျှင်သာရိပုတြာသည် ဤတရားကို ဟောတော်မူ၏ -

ငါ့သျှင်တို့ လောက၌ ဤပုဂ္ဂိုလ်လေးမျိုး တို့သည် ထင်ရှား ရှိကြကုန်၏၊

အဘယ် လေးမျိုးတို့နည်းဟူမူ-

၁...
ငါ့သျှင်တို့ ဤလောက၌ ကိလေသာ အညစ်အကြေး 'အင်္ဂဏ' ရှိလျက် ''ငါ၏ စိတ်သန္တာန်၌ ကိလေသာ အညစ်အကြေးရှိ၏'' ဟု ဟုတ်တိုင်းမှန်စွာ မသိသော ပုဂ္ဂိုလ်တစ်မျိုး၊

၂...
ကိလေသာ အညစ်အကြေး ရှိလျက် ''ငါ၏ စိတ်သန္တာန်၌ ကိလေသာ အညစ်အကြေး ရှိ၏'' ဟု ဟုတ်တိုင်းမှန်စွာ သိသော ပုဂ္ဂိုလ်တစ်မျိုး၊

၃...
ကိလေသာ အညစ်အကြေး မရှိသည် ဖြစ်လျက် ''ငါ၏ စိတ်သန္တာန်၌ ကိလေသာ အညစ်အကြေး မရှိ'' ဟု ဟုတ်တိုင်းမှန်စွာ မသိသော ပုဂ္ဂိုလ်တစ်မျိုး၊

၎...
ကိလေသာ အညစ်အကြေး မရှိသည် ဖြစ်လျက် ''ငါ၏ စိတ်သန္တာန်၌ ကိလေသာ အညစ်အကြေး မရှိ'' ဟု ဟုတ်တိုင်းမှန်စွာ သိသော ပုဂ္ဂိုလ် တစ်မျိုး၊
(ဤပုဂ္ဂိုလ်လေးမျိုးတို့တည်း)။

ငါ့သျှင်တို့ ထို(ပုဂ္ဂိုလ်လေးမျိုး)တို့တွင် ကိလေသာ အညစ်အကြေး ရှိလျက် ''ငါ၏ စိတ်သန္တာန်၌ ကိလေသာ အညစ်အကြေး ရှိ၏'' ဟု ဟုတ်တိုင်းမှန်စွာ မသိသော ပုဂ္ဂိုလ်ကို ကိလေသာ အညစ်အကြေးရှိသော ပုဂ္ဂိုလ် နှစ်မျိုးတို့တွင် ယုတ်ညံ့သော ပုဂ္ဂိုလ် ဟူ၍ ခေါ်ဆိုရ၏။

ငါ့သျှင်တို့ ထို(ပုဂ္ဂိုလ်လေးမျိုး)တို့တွင် ကိလေသာ အညစ်အကြေး ရှိလျက် ''ငါ၏ စိတ်သန္တာန်၌ ကိလေသာ အညစ်အကြေး ရှိ၏'' ဟု ဟုတ်တိုင်းမှန်စွာ သိသော ပုဂ္ဂိုလ်ကို ကိလေသာ အညစ်အကြေး ရှိသော ပုဂ္ဂိုလ် နှစ်မျိုးတို့တွင် မြင့်မြတ်သော ပုဂ္ဂိုလ်ဟူ၍ ခေါ်ဆိုရ၏။

ငါ့သျှင်တို့ ထို (ပုဂ္ဂိုလ်လေးမျိုး)တို့တွင် ကိလေသာ အညစ်အကြေး မရှိသည် ဖြစ်လျက် ''ငါ၏ စိတ် သန္တာန်၌ ကိလေသာ အညစ်အကြေး မရှိ'' ဟု ဟုတ်တိုင်းမှန်စွာ မသိသော ပုဂ္ဂိုလ်ကို ကိလေသာ အညစ်အကြေး မရှိသော ပုဂ္ဂိုလ် နှစ်မျိုးတို့တွင် ယုတ်ညံ့သော ပုဂ္ဂိုလ်ဟူ၍ ခေါ်ဆိုရ၏။

ငါ့သျှင်တို့ ထို ပုဂ္ဂိုလ်လေးမျိုးတို့တွင် ကိလေသာ အညစ်အကြေး မရှိသည် ဖြစ်လျက် ''ငါ၏ စိတ်သန္တာန်၌ ကိလေသာ အညစ်အကြေး မရှိ'' ဟု ဟုတ်တိုင်းမှန်စွာ သိသော ပုဂ္ဂိုလ်ကို ကိလေသာ အညစ်အကြေး မရှိသော ပုဂ္ဂိုလ် နှစ်မျိုးတို့တွင် မြင့်မြတ်သော ပုဂ္ဂိုလ်ဟူ၍ ခေါ်ဆိုရ၏ ဟု ဟောတော် မူ၏။ 57

၅ - အနင်္ဂဏသုတ်၊ မှ၊ မူလပရိယာယ၀ဂ်၊ မူလပဏ္ဏာသပါဠိတော်။

အပိုင်း ၂ သို့...


ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

လွတ်မြောက်သော စိတ်... (နေဝသညာနာသညာယတန)

မဟာဝေဒလ္လသုတ်

"နေဝသညာနာသညာယတန သမာပတ်၏ 
အကြောင်းသည် အဘယ်နည်း"

ငါ့သျှင် ဆင်းရဲ မဟုတ် ချမ်းသာ မဟုတ်သော လွတ်မြောက်သော စိတ် ဟူသော နေဝသညာနာသညာယတန သမာပတ်၏ အကြောင်းသည် အဘယ်မျှတို့နည်း ဟု လျှောက်၏။

ငါ့သျှင် ဆင်းရဲ မဟုတ် ချမ်းသာ မဟုတ်သော လွတ်မြောက်သော စိတ် ဟူသော (နေဝသညာနာသညာယတန) သမာပတ်၏ အကြောင်းတို့သည် လေးပါးတို့တည်း။

ငါ့သျှင် ဤသာသနာတော်၌ ရဟန်းသည် ချမ်းသာ ဆင်းရဲကို ပယ်ခြင်းကြောင့် လည်းကောင်း၊ ဝမ်းသာမှုနှင့် နှလုံး မသာမှုတို့၏ ရှေးဦးကပင် ချုပ်နှင့်ခြင်းကြောင့် လည်းကောင်း ဆင်းရဲ ချမ်းသာ မရှိသော လျစ်လျူရှုမှု 'ဥပေက္ခာ'ကြောင့် ဖြစ်သည့် သတိ၏ စင်ကြယ်ခြင်း ရှိသော စတုတ္ထဈာန်သို့ ရောက်၍ နေ၏။ ငါ့သျှင် ဆင်းရဲမဟုတ် ချမ်းသာ မဟုတ်သော လွတ်မြောက်သော စိတ် ဟူသော နေဝသညာနာသညာယတန သမာပတ်၏ အကြောင်းတို့သည် ဤလေးပါးတို့တည်း ဟု မိန့်ဆို၏။

၃ - မဟာဝေဒလ္လသုတ်၊ မှ ၊ စူဠယမက၀ဂ်၊ မူလပဏ္ဏာသပါဠိတော်။



ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

သေသူနှင့် 'နိရောဓသမာပတ်' ဝင်စားသူ၏ ခြားနားချက်ကား အဘယ်နည်း...

မဟာဝေဒလ္လသုတ်

"သေသူနှင့် 'နိရောဓသမာပတ်' ဝင်စားသူ၏
ခြားနားချက်ကား အဘယ်နည်း"

ငါ့သျှင် သေဆုံး ကွယ်လွန်သူ လူသေကောင်နှင့် မှတ်သားမှု 'သညာ', ခံစားမှု 'ဝေဒနာ'တို့ ချုပ်ရာ 'နိရောဓသမာပတ်' ကို ဝင်စားသူ ရဟန်းတို့၏ ခြားနားချက်ကား အဘယ်နည်း ဟု လျှောက်၏။

ငါ့သျှင် သေဆုံး ကွယ်လွန်သူ လူသေကောင်အား ကိုယ်၏ အပြုခံ ထွက်သက် ဝင်သက်တို့သည် ချုပ်ကုန် ငြိမ်းကုန်၏၊ နှုတ်မြွက်မှုကို ပြုပြင် တတ်သော ဝိတက် ဝိစာရတို့သည် ချုပ်ကုန် ငြိမ်းကုန်၏၊ စိတ်၏ အပြုခံ သညာ, ဝေဒနာတို့သည် ချုပ်ကုန် ငြိမ်းကုန်၏၊ အသက် 'ဇီဝိတိနြေ္ဒ' သည်ကုန်၏၊ ကိုယ်ငွေ့ 'ကမ္မဇတေဇောဓာတ်' သည် ငြိမ်း၏၊ ဣနြေ္ဒတို့သည် ပျက်စီး ကုန်၏။

မှတ်သားမှု 'သညာ', ခံစားမှု 'ဝေဒနာ'တို့ ချုပ်ရာ 'နိရောဓသမာပတ်' ကို ဝင်စားသော ရဟန်းအား ကိုယ်၏ အပြုခံ ထွက်သက် ဝင်သက်တို့သည် ချုပ်ကုန် ငြိမ်းကုန်၏၊ နှုတ်မြွက်မှုကို ပြုပြင် တတ်သော ဝိတက် ဝိစာရတို့သည် ချုပ်ကုန် ငြိမ်းကုန်၏၊ စိတ်၏ အပြုခံ သညာ, ဝေဒနာတို့သည် ချုပ်ကုန် ငြိမ်းကုန်၏။ အသက် 'ဇီဝိတိနြေ္ဒ' သည် မကုန်၊ ကိုယ်ငွေ့ 'ကမ္မဇတေဇောဓာတ်' သည် မငြိမ်း၊ ဣနြေ္ဒတို့သည် အထူး ကြည်လင် ကုန်၏၊ ငါ့သျှင် ဤသည်ကား သေဆုံး ကွယ်လွန်သူ လူသေကောင်နှင့် မှတ်သားမှု 'သညာ', ခံစားမှု 'ဝေဒနာ'တို့ ချုပ်ရာ 'နိရောဓသမာပတ်' ကို ဝင်စားသူ ရဟန်းတို့၏ ခြားနားချက်တည်း ဟု မိန့်ဆို၏။

၃ - မဟာဝေဒလ္လသုတ်၊ မှ ၊ စူဠယမက၀ဂ်၊ မူလပဏ္ဏာသပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

ဤကိုယ်ကို အဘယ် တရားတို့က စွန့်ခွါ သွားသောအခါ...

မဟာဝေဒလ္လသုတ်

"ဤကိုယ်ကို အဘယ် တရားတို့က စွန့်ခွါ သွားသောအခါ..."

ငါ့သျှင် ဤကိုယ်ကို အဘယ် တရားတို့က စွန့်ခွါ သွားသောအခါ ဤကိုယ်သည် စိတ် မရှိသော ထင်းတုံးကဲ့သို့ စွန့်ပစ် ချထားအပ်သည် ဖြစ်၍ လဲလျောင်းရ သနည်း ဟု လျှောက်၏။

ငါ့သျှင် ဤကိုယ်ကို

၁... အသက် 'ဇီဝိတိနြေ္ဒ'၊
၂... ကိုယ်ငွေ့ 'ကမ္မဇတေဇောဓာတ်'၊
၃... ဝိညာဏ်၊

ဤတရား သုံးပါးတို့ စွန့်ခွါ သွားသောအခါ ဤကိုယ်သည် စိတ်မရှိသော ထင်းတုံး ကဲ့သို့ စွန့်ပစ် ချထား အပ်သည် ဖြစ်၍ လဲလျောင်းရ၏ ဟု မိန့်ဆို၏။

၃ - မဟာဝေဒလ္လသုတ်၊ မှ ၊ စူဠယမက၀ဂ်၊ မူလပဏ္ဏာသပါဠိတော်။



ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

အသက် 'ဇီဝိတိနြေ္ဒ'သည် အဘယ်ကို စွဲ၍ တည်သနည်း

မဟာဝေဒလ္လသုတ်

"အသက် 'ဇီဝိတိနြေ္ဒ' သည် အဘယ်ကို စွဲ၍ တည်သနည်း"

ငါ့သျှင် အသက် 'ဇီဝိတိနြေ္ဒ' သည် အဘယ်ကို စွဲ၍ တည်သနည်း ဟု လျှောက်၏။

ငါ့သျှင် အသက် 'ဇီဝိတိနြေ္ဒ' သည် ကိုယ်ငွေ့ 'ကမ္မဇတေဇောဓာတ်' ကို စွဲ၍ တည်၏ ဟုမိန့်ဆို၏။

ငါ့သျှင် ကိုယ်ငွေ့ 'ကမ္မဇတေဇောဓာတ်' သည် အဘယ်ကို စွဲ၍ တည်သနည်း ဟု လျှောက်၏။

ငါ့သျှင် ကိုယ်ငွေ့ 'ကမ္မဇတေဇောဓာတ်' သည် အသက် 'ဇီဝိတိနြေ္ဒ'ကို စွဲ၍ တည်၏ဟု မိန့်ဆို၏။

ငါ့သျှင် ''အသက် 'ဇီဝိတိနြေ္ဒ' သည် ကိုယ်ငွေ့ 'ကမ္မဇတေဇောဓာတ်'ကို စွဲ၍ တည်၏'' ဟု ယခုပင် အသျှင်သာရိပုတြာ ပြောဆိုသည်ကို ငါတို့ သိရကုန်၏။ ငါ့သျှင် ''ကိုယ်ငွေ့ 'ကမ္မဇတေဇောဓာတ်'သည် အသက် 'ဇီဝိတိနြေ္ဒ' ကို စွဲ၍ တည်၏'' ဟု ယခုပင် အသျှင်သာရိပုတြာ ပြောဆိုသည်ကို ငါတို့ သိရကုန်၏။

ငါ့သျှင် ဤစကား၏ အနက် အဓိပ္ပါယ်ကို အဘယ်ကဲ့သို့ သိမှတ် ရမည်နည်း ဟု လျှောက်၏။

ငါ့သျှင် သို့ဖြစ်လျှင် သင့်အား ဥပမာပြုအံ့၊ ဤလောက၌ ဥပမာဖြင့်လည်း အချို့သော ပညာရှိ ယောက်ျားတို့သည် ပြောဆိုသော စကား၏ အနက် အဓိပ္ပါယ်ကို သိကုန်၏။ ငါ့သျှင် တောက်လောင်သော ဆီမီး၏ မီးလျှံကို စွဲ၍ အလင်းရောင်သည် ထင်ရှား သကဲ့သို့၊ အလင်းရောင်ကို စွဲ၍ မီးလျှံသည် ထင်ရှား သကဲ့သို့၊ ဤအတူပင် အသက် 'ဇီဝိတိနြေ္ဒ'သည် ကိုယ်ငွေ့ 'ကမ္မဇတေဇောဓာတ်'ကို စွဲ၍တည်၏၊ ကိုယ်ငွေ့ 'ကမ္မဇတေဇောဓာတ်'သည် အသက် 'ဇီဝိတိနြေ္ဒ'ကို စွဲ၍ တည်၏'' ဟု မိန့်ဆို၏။

ငါ့သျှင် ထိုအသက်တို့သည်ပင် ထိုခံစား တတ်သော သဘောတို့လော၊ သို့မဟုတ် အသက်တို့က တစ်ခြား, ခံစားတတ်သော သဘောတို့က တစ်ခြားတို့လေဟု လျှောက်၏။

ငါ့သျှင် ထိုအသက်တို့သည်ပင် ထိုခံစား တတ်သော သဘောတို့ မဟုတ်ကုန်။ ငါ့သျှင် မှန်၏၊ ထိုအသက်တို့သည်ပင် ထိုခံစား တတ်သော သဘောတို့ ဖြစ်ခဲ့ကြမူ ဤမှတ်သားမှု 'သညာ', ခံစားမှု 'ဝေဒနာ'တို့ ချုပ်ရာ 'နိရောဓ သမာပတ်'ကို ဝင်စားသော ရဟန်းအား (သမာပတ်မှ) ထခြင်းသည် မထင်ရှားရာ၊ ငါ့သျှင် အသက်က တစ်ခြား, ခံစားတတ်သော သဘောက တစ်ခြား ဖြစ်ခြင်းကြောင့် မှတ်သားမှု 'သညာ', ခံစားမှု 'ဝေဒနာ'တို့ ချုပ်ရာ 'နိရောဓ သမာပတ်'ကို ဝင်စားသော ရဟန်းအား သမာပတ်မှ ထခြင်းသည် ထင်ရှား၏ ဟု မိန့်ဆို၏။

၃ - မဟာဝေဒလ္လသုတ်၊ မှ ၊ စူဠယမက၀ဂ်၊ မူလပဏ္ဏာသပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

ဣနြေ္ဒ ငါးပါးတို့သည် အဘယ်ကို စွဲ၍ တည်ကုန်သနည်း...

မဟာဝေဒလ္လသုတ်

"ဣနြေ္ဒ ငါးပါးတို့သည် အဘယ်ကို စွဲ၍ တည်ကုန်သနည်း"

ဣနြေ္ဒတို့သည် ဤငါးပါးတို့တည်း။
မျက်စိ ဣနြေ္ဒ, နား ဣနြေ္ဒ, နှာခေါင်း ဣနြေ္ဒ, လျှာ ဣနြေ္ဒ, ကိုယ် ဣနြေ္ဒတို့တည်း။

ငါ့သျှင် ဣနြေ္ဒ ငါးပါးတို့သည် အဘယ်ကို စွဲ၍ တည်ကုန်သနည်း ဟု လျှောက်၏။

ငါ့သျှင် ဣနြေ္ဒတို့သည် ဤငါးပါးတို့တည်း။ ဣနြေ္ဒတို့သည် အဘယ် ငါးပါးတို့နည်း၊ မျက်စိ ဣနြေ္ဒ, နား ဣနြေ္ဒ, နှာခေါင်း ဣနြေ္ဒ, လျှာ ဣနြေ္ဒ, ကိုယ် ဣနြေ္ဒတို့တည်း။ ငါ့သျှင် ဤဣနြေ္ဒ ငါးပါးတို့သည် အသက် 'ဇီဝိတိနြေ္ဒ'ကို စွဲ၍ တည်ကုန်၏ ဟု မိန့်ဆို၏။

၃ - မဟာဝေဒလ္လသုတ်၊ မှ ၊ စူဠယမက၀ဂ်၊ မူလပဏ္ဏာသပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

ဣနြေ္ဒတို့၏ ကျက်စားရာ အာရုံကို အဘယ်တရားက ခံစားသနည်း...

မဟာဝေဒလ္လသုတ်

"ဣနြေ္ဒတို့၏ ကျက်စားရာ အာရုံကို အဘယ်တရားက ခံစားသနည်း"

ငါ့သျှင်တို့ ဤငါးပါးကုန်သော ဣနြေ္ဒတို့သည် အသီးအသီး အာရုံ ရှိကုန်၏၊ အသီးအသီး ကျက်စားရာ ရှိကုန်၏။ တစ်ပါးသည် တစ်ပါး၏ ကျက်စားရာ အာရုံကို မခံစားကုန်။ အဘယ် ဣနြေ္ဒတို့နည်း၊ မျက်စိ ဣနြေ္ဒ, နား ဣနြေ္ဒ, နှာခေါင်း ဣနြေ္ဒ, လျှာ ဣနြေ္ဒ, ကိုယ် ဣနြေ္ဒတို့တည်း။

ငါ့သျှင် အသီးအသီး အာရုံ, အသီးသီး ကျက်စားရာ ရှိကုန်၍ တစ်ပါးသည် တစ်ပါး၏ ကျက်စားရာ အာရုံကို မခံစားကုန်သော ဣနြေ္ဒ ငါးပါးတို့၏ အားထားရာကား အဘယ်နည်း၊ ထိုဣနြေ္ဒတို့၏ ကျက်စားရာ အာရုံကို အဘယ်တရားက ခံစား သနည်း ဟု (လျှောက်၏)။

ငါ့သျှင် ငါးပါးကုန်သော ဣနြေ္ဒတို့သည် အသီးအသီး အာရုံ ရှိကုန်၏၊ အသီးအသီး ကျက်စားရာ ရှိကုန်၏၊ တစ်ပါးသည် တစ်ပါး၏ ကျက်စားရာ အာရုံကို မခံစားကုန်။ အဘယ် ဣနြေ္ဒတို့နည်း၊ မျက်စိ ဣနြေ္ဒ, နား ဣနြေ္ဒ, နှာခေါင်း ဣနြေ္ဒ, လျှာ ဣနြေ္ဒ, ကိုယ် ဣနြေ္ဒတို့တည်း။ ငါ့သျှင် အသီးအသီး အာရုံ, အသီးအသီး ကျက်စားရာ ရှိကုန်၍ တစ်ပါးသည် တစ်ပါး၏ ကျက်စားရာ အာရုံကို မခံစား ကုန်သော ဣနြေ္ဒ ငါးပါးတို့၏ အားထားရာကား ဇောစိတ်ပင် ဖြစ်၏၊ ထိုဣနြေ္ဒတို့၏ ကျက်စားရာ အာရုံကို ဇောစိတ်ကပင် ခံစား၏ ဟု မိန့်ဆို၏။

၃ - မဟာဝေဒလ္လသုတ်၊ မှ ၊ စူဠယမက၀ဂ်၊ မူလပဏ္ဏာသပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

ပဌမဈာန်၏ ပယ်သောအင်္ဂါ ပြည့်စုံသောအင်္ဂါ...

မဟာဝေဒလ္လသုတ်

"ပဌမဈာန်၏ ပယ်သောအင်္ဂါ ပြည့်စုံသောအင်္ဂါ"

ငါ့သျှင် ပဌမဈာန်သည် အဘယ်မျှသော အင်္ဂါတို့ကို ပယ်၍ အဘယ်မျှသော အင်္ဂါတို့နှင့် ပြည့်စုံ သနည်းဟု လျှောက်၏။

ငါ့သျှင် ပဌမဈာန်သည် ငါးပါးသော အင်္ဂါတို့ကို ပယ်၍ ငါးပါးသော အင်္ဂါတို့နှင့် ပြည့်စုံ၏။ ငါ့သျှင် ဤသာသနာတော်၌ ပဌမဈာန်ကို ဝင်စားသော ရဟန်းသည် လိုချင် တပ်မက်မှု 'ကာမစ္ဆန္ဒ' ကို ပယ်၏၊

ပယ်သောတရားများ...

ဖျက်ဆီးလိုမှု 'ဗျာပါဒ' ကို ပယ်၏၊
ထိုင်းမှိုင်းမှု 'ထိနမိဒ္ဓ' ကို ပယ်၏၊
ပျံ့လွင့်မှု နောင်တ ပူပန်မှု 'ဥဒ္စစ္စကုက္ကုစ္စ'ကို ပယ်၏၊
တွေးတော ယုံမှားမှု 'ဝိစိကိစ္ဆာ'ကို ပယ်၏။

ပြည့်စုံသောတရားများ...

ကြံစည်မှု 'ဝိတက်'၊
သုံးသပ် ဆင်ခြင်မှု 'ဝိစာရ'၊
နှစ်သိမ့်မှု 'ပီတိ'၊
ချမ်းသာမှု 'သုခ'၊
စိတ် တည်ကြည်မှု 'စိတ္တေကဂ္ဂတာ' ဖြစ်၏။

ငါ့သျင် ပဌမဈာန်သည် ဤသို့ ငါးပါးသော အင်္ဂါတို့ကို ပယ်၍ ငါးပါးသော အင်္ဂါတို့နှင့် ပြည့်စုံ၏ ဟု (မိန့်ဆို၏)။

၃ - မဟာဝေဒလ္လသုတ်၊ မှ ၊ စူဠယမက၀ဂ်၊ မူလပဏ္ဏာသပါဠိတော်။




ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

ပဌမဈာန်အင်္ဂါ...

မဟာဝေဒလ္လသုတ်

"ပဌမဈာန်အင်္ဂါ"

ငါ့သျှင် ပဌမဈာန်သည် အင်္ဂါ အဘယ် မျှရှိသနည်း ဟု လျှောက်၏။
ငါ့သျှင် ပဌမဈာန်သည် အင်္ဂါ ငါးပါးရှိ၏။ ငါ့သျှင် ဤသာသနာတော်၌ ပဌမဈာန်ကို ဝင်စားသော ရဟန်းအား ကြံစည်မှု 'ဝိတက်' သည် လည်းကောင်း၊ သုံးသပ် ဆင်ခြင်မှု 'ဝိစာရ'သည် လည်းကောင်း၊ နှစ်သိမ့်မှု (ပီတိ)သည် လည်းကောင်း၊ ချမ်းသာမှု 'သုခ'သည် လည်းကောင်း၊ စိတ်တည်ကြည်မှု 'စိတ္တေကဂ္ဂတာ'သည် လည်းကောင်း ဖြစ်၏။ ငါ့သျှင် ပဌမဈာန်သည် ဤသို့ အင်္ဂါ ငါးပါးရှိ၏ ဟု မိန့်ဆို၏။

၃ - မဟာဝေဒလ္လသုတ်၊ မှ ၊ စူဠယမက၀ဂ်၊ မူလပဏ္ဏာသပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...

ပဌမဈာန်ဟူသည်...

မဟာဝေဒလ္လသုတ်

"ပဌမဈာန်ဟူသည်"

ငါ့သျှင် ပဌမဈာန်သည် အဘယ်နည်းဟု လျှောက်၏။

ငါ့သျှင် ဤသာသနာတော်၌ ရဟန်းသည် ကာမဂုဏ်တို့မှ ကင်းဆိတ်၍ သာလျှင် အကုသိုလ်တရားတို့မှ ကင်းဆိတ်၍ သာလျှင် ကြံစည်ခြင်း 'ဝိတက်'နှင့် တကွ ဖြစ်သော၊ သုံးသပ် ဆင်ခြင်ခြင်း 'ဝိစာရ'နှင့်တကွ ဖြစ်သော၊ နီဝရဏ ကင်းခြင်းကြောင့် ဖြစ်သော နှစ်သိမ့်ခြင်း 'ပီတိ' ချမ်းသာခြင်း 'သုခ' ရှိသော ပဌမဈာန်သို့ ရောက်၍ နေ၏။ ငါ့သျှင် ဤသည်ကို ပဌမဈာန်ဟု ဆိုရ၏ ဟု မိန့်ဆို၏။

၃ - မဟာဝေဒလ္လသုတ်၊ မှ ၊ စူဠယမက၀ဂ်၊ မူလပဏ္ဏာသပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဆက်ဖတ်သင့်တယ်နော်- Read More...

...